Almatynyń bas memlekettik sanıtarııa dárigeri Jandarbek Bekshın onlaın-brıfıngte sáýirde «Otandyq vaksınanyń 6000 dozasyn qabyldaý josparlanyp otyrǵanyn» aıtty. Almaty qalasy Qoǵamdyq densaýlyq basqarmasynyń basshysy Narıman Tabynbaev reseılik vaksınanyń josparly túrde jetkizilgenin de aıtty.
«Almatyda sáýirde jappaı vaksınasııa bastalady. Vaksınasııa pýnktterin 250 jerde ornalastyrý josparlanyp otyr. Negizinen memlekettik emhanalar, jeke qurylymdaǵy medısınalyq mekemeler qamtylǵan. Biraq saýda ortalyqtaryn da tartýǵa bolady. Kelissózder júrgizilip, jumys toby quryldy. Densaýlyq saqtaý mınıstri Alekseı Soıdyń málimdemesine súıensek, Almatyǵa 65 myńnan asa «Spýtnık V» vaksınasyn ákelý josparlanǵan», dedi Narıman Tabynbaev.
Brıfıngte qalalyq densaýlyq saqtaý basqarmasynyń basshysyna Almatydaǵy jeke medısınalyq ortalyqta reseılik vaksınany aqyly túrde egý usynylǵanyn habarlandy. Alaıda ol bul aqparatty joqqa shyǵaryp: «Vaksınasııa máselesi Densaýlyq saqtaý mınıstrliginiń baqylaýynda. Barlyq vaksınalar arnaıy organmen «SK-Farmasııa» JShS arqyly óńirlerge taratylady. Almatyda «SK-Farmasııa» JShS qyzmetkerleri preparatty qalalyq vaksınalar qoımasyna jeke aparyp tapsyrady. Almatyǵa basqa vaksınalardyń jetkizilgeni týraly týraly málimet joq», dep aıtyp ótti.
Narıman Tabynbaev jappaı vaksınasııa adamnyń qaı jerdegi aýrýhanaǵa tirkelgenine qaramastan tegin júrgiziletinin aıtty.
