Turǵyndar qoshtasý rásimi ótken Dar-es-Salame qalasyndaǵy stadıonǵa bekitilgen joldan aınalyp ótýge tyrysqanymen, 35 adam túrli jaraqat alyp, 45-i oqıǵa ornynda kóz jumdy. Magýfýlıdi jerleý rásimi 26 naýryzda Tanzanııanyń soltústik-batysyndaǵy Chato qalasynda ótti.
Qaıtys bolǵan memleket basshysymen qoshtasý rásimi búkil elde alty kún boıy ótedi. Dar-es-Salame qalasyndaǵy stadıonda oqıǵalardan keıin bılik arnaıy qaýipsizdik sharalaryn qabyldady. Djon Magýfýlı 17 naýryzda 61 jasyna qaraǵan shaǵynda Dar-es-Salamnyń aýrýhanasynda jan tásilim etti.
Aıta keteıik, indet bastalǵan shaqta Magýfýlı Tanzanııadaǵy koronavırýstyń bar ekenine kúmán keltirip, aýrýdan qorǵaný úshin duǵa etý kerektigin aıtqan edi. Maýsym aıynda ol eliniń koronavırýsty «Qudaıdyń raqymymen» jeńgenin málimdedi.
