«1992 jyly Ankarada ótken alǵashqy basqosýda Elbasy túrki elderiniń basshylary budan bylaı kıeli Túrkistanda kezdesip turady dep aıtqan. Túrkistan barlyq túrki halyqtary úshin qasterli qara shańyraq, qutty meken jáne ańsarly atajurt. Babalarymyz osy óńirde ǵulama ustaz Qoja Ahmet Iаssaýıden dinı bilim alyp, túrki ıslam mádenıetin álemge taratqany belgili», dedi Qasym-Jomart Toqaev Túrki tildes memleketterdiń yntymaqtastyq keńesiniń beıresmı sammıti barysynda.
Memleket basshysy túrkiler Kishi Azııaǵa bet burǵanda bul qundylyqtar túptamyrymyzdy saqtap, biligimizdi bekem ustaýǵa negiz bolǵann basa aıtty.
«Bizdiń maqsatymyz - túrki álemin 21 ǵasyrda mańyzdy ekonomıkalyq jáne mádenı-gýmanıtarlyq keńistiktiń birine aınaldyrý. Túrki órkenıetin jańǵyrtýdy eń aldymen Iаssaýı murasy men qasıetti Túrkistandy álemge tanytýdan bastaýǵa shaqyramyn. Sol sebepti búgingi sammıt «Túrkistan túrki álemniń rýhanı astanasy» dep atalyp otyr. Elbasy Nursultan Nazarbaevtyń bastamasymen Túrkistan qalasy túbegeıli ózgerip, jańa kelbetke ıe boldy», dedi QR Prezıdenti.
