«Biz Almaty qalasyndaǵy naýqastardan patologııalyq materıaldy aldyq. Zertteýlerdi bıologııalyq qaýipsizdik deńgeıi joǵary zerthanada júrgizemiz. Búgingi tańda ǵalymdarymyz osy vırýstyń brıtandyq jáne ońtústik afrıkalyq shtamdaryn bólip shyǵardy. Patologııalyq materıal tek 19 naýryzda alyndy. Osy shtamdardyń genetıkalyq jáne bıologııalyq qasıetteri zerttelip jatyr. Zertteý nátıjeleri bolashaqta tehnologııasy jetildirilgen vaksınalardy daıyndaý barysynda paıdalanylady. Bul tehnologııa bir kúnniń ishinde jasalmaıtynyn atap ótken jón. Zertteý jumystary bastalyp, belsendi júrgizilip jatyr. Qazaqstandyq vaksına tutas vırýstan jasalǵanyn túsiný kerek. Onda vırýstyń barlyq mýtasııalanǵan shtamyna qarsy tura alatyn úlken ımmýnıtettiń paıda bolýyna sep bolatyn vırýs aqýyzdarynyń tolyq jıyntyǵy bar», dedi Bıologııalyq qaýipsizdik problemalary ǵylymı-zertteý ınstıtýtynyń bas dırektory Kúnsulý Zakarııa.
