Chempıonatqa elimizdiń ár óńirinen 200-den astam sportshy qatysty.
Nur-Sultan qalasynyń sportshysy Aqmaral Zýpar salmaǵy 24 kg salmaqty 201 ret kóterip, el rekordyn jańartty.
68 kg salmaq dárejesinde ol jarystyń altyn medalin jeńip, elimizdiń úsh dúrkin chempıony atandy.
Aqmaraldyń jeke jattyqtyrýshy Serik Abdahınniń aıtýynsha, bul nátıje álemdegi úzdikter qataryna kiredi.
«Buǵan deıin elimizdiń rekordyn álemniń 10 dúrkin chempıony Tatıana Potemkına ıelengen bolatyn. Ol 183 ret kótergen. Endi onyń jetistigin qyzymyz jeńip otyr. Bul ár balanyń qolynan kele bermeıdi. Sportshyma rızamyn. Aldaǵy sáýir aıynda Tashkentte ótetin Azııa chempıonatynda da joǵary deńgeıde óner kórsetetinimizge senimdimin», dedi jattyqtyrýshy.
Aıta keteıik, 18 jastaǵy sportshy 14 jasynda halyqaralyq dárejedegi sport sheberi ataǵyn alǵan bolatyn.
