Buǵan deıin bılik kúnkóris deńgeıi tómen analarǵa áleýmettik tólemdi ózderi usyndy. Alaıda keıinirek ákimdik qyzmetkerleriniń qateleskeni anyqtalady. Endi áıelderge júzdegen myń teńge qaıtarýǵa týra keledi.
Osylaısha úsh balanyń anasy Vıktorııa Krasavına ákimdikke 300 myń teńge qaryz bolyp shyqty. 2019 jyly otbasynyń tabysy eń tómengi kúnkóris deńgeıinen tómen boldy. Sodan keıin sheneýnikter áıelge ataýly áleýmettik kómek resimdeýdi usyndy. Aı saıyn otbasyǵa 70 myń teńge túsken. Biraq jyl sońynda sheneýnikter tólemderdi qaıtarýdy talap etken.
«Aı saıyn bizge qońyraý shalyp, osy aqshany qaıtarýdy talap etýde. Men olarǵa tóleıtin aqsham joq ekenin túsindirdim. Biz eshqandaı kiristi jasyrmadyq, bizdiń barlyq kiristerimiz bazada saqtaýly tur», deıdi jalǵyzbasty ana V. Krasavına.
Qaraqoǵa aýylynda úsh balanyń anasy Oksana Súleımenova da osyndaı jaǵdaıǵa tap bolǵan. Áıel jarty jyl boıy memleketten aqshalaı kómek alyp júrgende boryshkerler tizimine kiremin dep oılamaǵan. Qazir sheneýnikter aqshany qaıtarýdy talap etti, óıtkeni onyń tabysy eń tómengi kúnkóris deńgeıinen bar bolǵany 80 teńgege artyq bolǵan.
