«Búgin elimizdiń geologtary saladaǵy kásibı mereke – Geologtar kúnin atap ótýde. Bul ataýly datany osydan 10 jyl buryn QR Tuńǵysh Prezıdenti Nursultan Nazarbaev belgilep berdi. Biz ken oryndary men salanyń damýy týraly aıtqanda uly ǵalym Qanysh Sátbaev pen onyń múddelesterin de zor qurmetpen eske alamyz. Injener-geologtardyń eńbegimen elimizdiń turaqty ekonomıkalyq damýyn qamtamasyz etip kele jatqan barlyq ken oryndary ashyldy desek bolady», dep jazdy mınıstr.
Vedomstvo basshysy elimizdiń ındýstrıaldyq damýy geologııalyq salasyna tikeleı táýeldi ekenin atap ótti.
«Igerilip jatqan ken oryndarynyń kóptigine qaramastan, Qazaqstannyń jer qoınaýynyń jańa ashylýlar úshin áli de potensıaly joǵary. Mıneraldyq shıkizatqa degen osy perspektıvanyń barlyǵy da elimizdiń keleshek ekonomıkasy úshin óte mańyzdy. Qazaqstannyń ındýstrıaldyq damýy men ınvestısııalyq nysandardyń salynýy salanyń ahýalyna, ınfraqurylymyna, kásibı kadrlarǵa, tehnologııalyq jáne ǵylymı qamtamasyz etilýine tikeleı baılanysty. Geologııa salasynyń barlyq qyzmetkerleri men ardagerlerin kásibı merekelerimen quttyqtaımyn! Jer qoınaýyn zertteýde jańa ashylýlar tileımin. Densaýlyqtaryńyz myqty, otbasylaryńyz ben jaqyndaryńyz aman bolsyn!» dedi Maǵzum Myrzaǵalıev.
