Murat Dúısenbekuly Memleket basshysynyń osy baǵyttaǵy jumysty kúsheıtý jónindegi tapsyrmasy aıasynda sybaılas jemqorlyqqa qarsy kúrestiń basym baǵyttaryna toqtaldy. Barlyq memlekettik qyzmetterdi sıfrlyq formatqa kóshirý jáne olardy alý kezinde kedergilerdi, sonymen qatar sybaılas jemqorlyq táýekelderin joıý qajettigin atap ótti. Bul oraıda ishki taldaý ınstıtýtyn qalyptastyrý, barlyq salada avtomattandyrý júıelerin engizýdiń mańyzy zor.
Agenttik ókili Jazıra Jylqyshıeva sybaılas jemqorlyqqa qarsy is-qımyl boıynsha qabyldanyp jatqan sharalarǵa jáne Agenttiktiń iske asyrylyp jatqan jobalaryna, zańnamalyq jańashyldyqtarǵa nazar aýdardy.
– Búginde sybaılas jemqorlyqqa qarsy is-qımyl aıasynda negizgi basymdyq aldyn alýǵa baǵyttalyp otyr. Sybaılas jemqorlyqtyń sebepterin joıýdyń tıimdi quraldary bar. Bul – sybaılas jemqorlyq táýekelderin ishki taldaý ınstıtýty. Ony memlekettik organdar turaqty negizde júrgizýi tıis. 2021 jyldyń 5 sáýirinen bastap ákimshilik zańnamaǵa túzetýler kúshine endi. Shymkentte azamattyq qoǵam ókilderi belsendi. Ishki taldaý jumystaryna qoǵam ókilderin kóptep qatystyrý kerek, – dedi Jazıra Jaqsylyqqyzy.
Jazýshy, qoǵam qaıratkeri Sádibek Túgel jemqorlyqpen kúreste sanany ózgertýdiń mańyzdylyǵyn, bul baǵyttaǵy jumystarǵa judyryqtaı jumyla kúresý kerektigin aıtty.
Jıynda qalalyq basqarmalar tarapynan sybaılas jemqorlyqqa qarsy qabyldanyp jatqan sharalar baıandaldy.
Qala ákimi M. Áıtenov ákimdiktiń barlyq basqarmalarynda sybaılas jemqorlyqtyń sebepteri men jaǵdaılaryn joıý, sybaılas jemqorlyq táýekelderine ishki taldaý júrgizý jáne memlekettik organdardyń qyzmetinde ashyqtyqty qamtamasyz etý boıynsha birqatar naqty tapsyrmalar berdi.
