Búginnen bastap elektrondyq jeke kýálikti EGOV mobile qosymshasy arqyly kórsetilgen áýejaılarda tirkeý, tekserý jáne otyrǵyzý pýnktterinde qoldanýǵa bolady.
Degenmen, jolaýshylarda jeke kýálikteriniń túpnusqasy da bolǵany jón. О́ıtkeni, pılottyq joba kezinde sıfrlyq qujattar jolaýshynyń mártebesin tekserýdiń balama nusqasy bolady.
EgovMobile-daǵy "sıfrlyq qujattar" qyzmetimen generasııalanǵan QR-code esepteý boıynsha "E-document" baǵdarlamalyq qamtamasyz etý júıesi Nursultan Nazarbaev halyqaralyq áýejaıymen birlesip ázirlendi.
Joba Memleket basshysynyń jeke kýálikter, dıplomdar men quqyqtardy elektrondyq túrde berý jónindegi prosesterdi sıfrlandyrý jáne memlekettik organdardyń jumysyna engizý jónindegi tapsyrmasyn oryndaý maqsatynda engizildi.
