Dárigerler tekserý kezinde Covid-19-dy anyqtap, eki jaqty polısegmentaldy pnevmonııa dıagnozyn qoıǵan edi. Kompıýterlik tomografııadan ótý kezinde naýqas ókpesiniń 96%-y zaqymdanǵany anyqtalǵan.
Naýqas áıel júre almaǵan, aýa jetpeı, tynysy tarylǵan.
Naýqas birden jansaqtaý bólimine jetkiziledi.
Ortalyq qalalyq klınıkalyq aýrýhananyń reanımologtary 8 kún ishinde aýyr naýqastyń jaǵdaıyn turaqtandyryp, jansaqtaý bóliminen palataǵa shyǵarady. Osy kúnderi naýqas Bobrov júıesi boıynsha ylǵaldanǵan ottegimen tynys alǵan.
Mamandar ottegi beretin qurylǵylardy jáne basqa medısınalyq quraldardy qoldandy.
Dárigerlerdiń kásibı biliktiliginiń arqasynda áıeldiń jaǵdaıy jaqsarǵan.
«Emdeý naýqastyń qosalqy aýrýlaryna qatysty kúrdelene tústi. Naýqasta arterııalyq gıpertenzııa, júrek-tamyr jetkiliksizdigi, ıshemııalyq kardıomıopatııa boldy. Búginde jaǵdaıy jaqsarǵan naýqas aýrýhanadan shyǵarylady. KT-ny qaıta jasaý kezinde emdelýshiniń jaǵdaıynyń jaqsy ekeni baıqaldy. Naýqas ambýlatorııalyq em alyp, ýchaskelik dárigerdiń baqylaýynda bolady, qajet bolǵan jaǵdaıda ońaltýdan ótedi», deıdi emdeýshi dáriger Ihtııar Baıjanov.
О́z kezeginde áıel dárigerlerge alǵysyn bildirdi.
«Qazir jamandyqtyń bári artta qaldy. Aýrýhananyń barlyq medısına qyzmetkerlerine, dárigerlerge, kishi medısına qyzmetkerlerine úlken rahmet. Sizder maǵan ekinshi ómir syıladyńyzdar. Men saýyǵyp shyqtym, búgin otbasymmen, balalarymmen kezdesemin. Men qoldaý jáne medısınalyq kómek kórsetkenderi úshin barlyǵyna alǵys aıtamyn», dedi saýyǵyp shyqqan naýqas.
