Saryaǵash aýdanynyń saqshylary «Jibek joly» keden beketi arqyly esirtkini zańsyz alyp ótpekshi bolǵan Túrkistan oblysynyń turǵynyn ustady. Naqtyraq aıtsaq, baqylaý beketiniń qyzmetkerleri О́zbekstan Respýblıkasynyń aýmaǵyna ótpek bolǵan jergilikti turǵynnyń bıletin tekserip jatqan kezde, «Klımıntına» atty qyzmettik ıt birneshe metrden júgirip baryp, er azamattyń janyna jaqyndap úrip, belgi bere bastaıdy. Osydan soń bekettegiler birden Saryaǵash APB-niń saqshylaryna habarlasyp, bolǵan jaıtty túsindiredi.
Tártip saqshylary oqıǵa ornyna kelip, birqatar tekserý jumysyn júrgizedi. Kúdik týdyrǵan turǵynnyń aty-jónin anyqtap, oǵan tintý júrgizedi. Birneshe ýaqyt boıy tııanaqty júrgizilgen tekserý jumystarynyń nátıjesinde er azamattyń qaltasynan qaǵaz oramaǵa oralǵan esirtki zatyna uqsas zat tabylady. Polısııa qyzmetkerleri aıǵaqty zatty saraptamaǵa joldap, onyń qorytyndysy boıynsha jalpy salmaǵy 7,5 gramm keptirilgen marıhýana ekenin anyqtaıdy.
Atalǵan jaıt Saryaǵash APB-da QR QK-niń 286-baby (Aınalystan alyp qoıylǵan zattardyń nemese aınalysy shektelgen zattardyń kontrabandasy) jáne 296-baby (Esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý) boıynsha tirkelip, sotqa deıingi tergep-tekserý bastalady.
Kúdiktiniń aıtýynsha, ol esirtki tektes zatty taýyp alyp, ózi qoldanbaq nıette saqtaǵan. Saryaǵashtyq saqshylarmen tergeý jumystary boıynsha qujattardyń barlyǵy jınaqtalyp, aýdandyq sotqa joldanady.
Kóp uzamaı Saryaǵash aýdandyq soty óz sheshimin shyǵarady. Iаǵnı sottyń úkimimen esirtki teris qylyǵy boıynsha ustalǵan er azamat joǵaryda atalǵan eki bappen de aıypty dep tanylyp, oǵan eki jyl merzimge bas bostandyǵynan shekteý jazasy taǵaıyndalady.
