Sársenbaı Sadýaqasov pen Gúlnaz Jeńisbaıqyzynyń shańyraq kótergenine 27 jyl bolǵan. Búginde olar 10 qyz, 4 ul tárbıelep, 3 nemeresin baýlyp otyr.
Aýdan ákimi Ǵalıasqar Sarybaev otbasyny quttyqtap, jyly lebizin jetkizdi. Buǵan deıin 2019 jyly kópbalaly otbasyna Saryózek aýylynan turǵyn úı berilgen de eken. Kerbulaq aýdandyq ákimdigiń baspasóz qyzmeti habarlaǵandaı, mektep qabyrǵasyndaǵy 5 bala oqý quraldarymen, sporttyq kıimmen, mektep formasymen tolyq qamtamasyz etilgen. Balalardyń 3-eýi balabaqshada bolǵandyqtan, eresekterine mektepke qajetti noýtbýktar berilgen.
Ata-anasynyń úkilegen úmitin Aıjan esimdi qyzdary árdaıym sporttyq jarystarda, sonyń ishinde erejesiz jekpe-jek túrine qatysyp, júldeli oryndarǵa ıe bolyp júr. Al otaǵasy mashınıst, mehanık, dánekerleýshi sııaqty kásipterdi erkin meńgergen.
«О́mirdiń máni de, sáni de – bala. Densaýlyǵym jetse, bala týýdan qashpaımyn. Qazaq «balany jastan» degendi beker aıtpaǵan. Úlken qyzym muǵalim. «aldyńǵy arba qaıda barsa, sońǵy arba sonda júredi» demekshi, aldyńǵy ul-qyzdardy jaqsy tárbıeleseń, sońǵylary solarǵa eliktep, úlgi etip ósedi dep oılaımyn», deıdi kópbalaly ana Gúlnáz Jeńisbaıqyzy.
