«Kóktem kelisimen qalany retke keltirý kerek. Bul – sanıtarlyq tazalaý, qardy ýaqytyly shyǵarý, abattandyrý, qasbetterdi tıisti qalypqa keltirý jáne t. b. jumystar. Turǵyndar tarapynan ótinishter jıilep ketti. Qalany aralaý barysynda barlyq aýdan ákimderiniń óz jumystaryn sapaly atqara bermeıtini kórinedi. Aýdandyq ákimdikterde jaýapkershilikti bir-birine burý faktileri bar», dep jazdy ákim.
Onyń aıtýynsha, eń kóp shaǵym Esil jáne Almaty aýdandary boıynsha túsip jatyr. Bul – aýmaqtardy ýaqytyly jınamaý, merdigerlik uıymdardyń jumysyn nashar baqylaý, turǵyndardyń ótinishterine der kezinde jaýap bermeý máseleleri. Keı jumystar tipten aıaqsyz qalǵan. Almaty jáne Esil aýdandarynyń ákimderine qatań eskertý jasalǵan.
«Barlyq aýdan ákimderine kabınetterden shyǵyp, óz aýmaqtaryn jaıaý aralap, máselelerdi sheshýdi, senip tapsyrylǵan ýchaskelerge jaýap berý tapsyryldy. Barlyq kemshilikter qysqa merzimde túzetilýi kerek. Jumystardy sapasyz jáne ýaqytyly oryndamaǵan jaǵdaıda tártiptik jaýapkershilikke tartamyz», dep jazdy elorda ákimi.
