Tórt kún boıy ótken jarysta elimizdiń barlyq óńirinen kelgen 23 jasqa deıingi jas palýandar on salmaq dárejesi boıynsha baq synady. Mundaı jarystar tórt jylda bir ret ótkiziledi.
Jarys qorytyndysyna saı, óz salmaq dárejesinde Maqsat Saılaý (87 keli) men Erzat Erlanov (97 keli) jeńis tuǵyrynan kórindi. Kúmis júldeni Mádııar Máýlethanov (67 keli) qanjyǵalady.
- Kúres tartysty ótti, soǵan qaramastan sportshylar eki altyn men bir kúmis júldeni qanjyǵalap, jaqsy daıyndyq pen sheberlik tanytty. Bul tájirıbe sportshylardyń respýblıkalyq jáne halyqaralyq jarystarǵa aldaǵy daıyndyǵyna arqaý bolmaq, – dedi OSK grek-rım kúresinen komandanyń aǵa jattyqtyrýshysy, halyqaralyq dárejedegi sport sheberi Nurym Dúısenov.
Jarys sońynda ulttyq quramaǵa kiretin, sondaı-aq álem jáne Azııa chempıonattarynda el namysyn qorǵaıtyn myqty palýandar anyqtaldy. Aıta ketsek, týrnırde birinshi jáne ekinshi oryn alǵan sportshylarǵa Qazaqstan Respýblıkasynyń sport sheberleri ataǵy beriledi.
