Aımaqtar • 09 Sáýir, 2021

Altaı Kólginov jol qyzmetkerleriniń jumysyn synǵa aldy

10 ret kórsetildi

Nur-Sultan qalasynyń ákimi Altaı Kólginov Instagram paraqshasynda jol qyzmetkerleriniń sapasyz jumysyn synǵa aldy. Bul týraly qala ákimdiginiń baspasóz qyzmeti habarlady.

«Kóshelerdi tekserý barysy joldardyń sapaly oryndalmaǵanyn kórsetedi. Keıbir joldardyń jóndelgenine áli 3-4 jyl tolmady, alaıda jóndeý jumystaryn qaıta júrgizý kerek! Turǵyndardyń shaǵymdary negizdelgen. Beıindi basqarmanyń mindeti tek merdigerlik uıymdardy anyqtaý úshin konkýrs ótkizip qana qoıý emes, sonymen birge joldyń sapasyn, uzaq ýaqyt qyzmet kórsetýin qamtamasyz etý! Adamdarǵa qolaıly jaǵdaı jasaý.

Birinshi. Kólik jáne jol-kólik ınfraqurylymyn damytý basqarmasyna jol shuńqyrlaryn jóndeýdi jedeldetýdi tapsyrdym.

Ekinshi. Joldardy ortasha jóndeýge kirisý qajet. Tizimge jóndeýdi qajet etetin joldardy engizý qajet. Adam kóp júretin, jańa salynyp jatqan aýdandardaǵy kóshelerge mán bergen jón. Sonymen qatar buryn asfalt tóselmegen kóshelerdi de qosý qajet. Byltyrǵydaı qalanyń eski bóligi men eldi mekenderge de basa nazar aýdaramyz.

Úshinshi. Beıindi basqarma men jol qyzmetkerlerine qoıylǵan talap joǵary, suranys ta joǵary bolmaq! Sapasyz jumystar qabyldanbaıdy. Josyqsyz merdigerlerdi sotqa berip, qara tizimge engizemiz.

Tórtinshi. «Qazavtojolǵa» eskertý jasaldy. Jóndeýde sapasyz materıaldardy paıdalanýǵa jol berilmeıdi.

Besinshi. Asfaltbeton zaýytynyń jumysyn iske qosamyz. Bul jol jumystarynyń qarqynyn jedeldetýge múmkindik beredi.

Jol qurylysy strategııalyq baǵytqa jatady. Qalada ómir súrýge jaıly jaǵdaı jasaý mańyzdy. Byltyr 170-ten astam kóshe jóndeldi. Onyń 100-i – eldi mekenderde. Bıyl ba byltyrǵy kórsetkishten kem túspeı, jumys atqaramyz», — dep jazdy elorda ákimi.

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar