Aımaqtar • 10 Sáýir, 2021

Shymkenttiń tórinde «Egemen Qazaqstan» kóshesi ashyldy

69 ret kórsetildi

Shymkent qalasy «Bozaryq» shaǵynaýdanyndaǵy kóshege elimizdiń bas basylymy, 100 jyldyq tarıhy bar «Egemen Qazaqstan» gazetiniń ataýy berildi, dep habarlaıdy Egemen.kz

Saltanatty sharaǵa jazýshy, «Alash» syılyǵynyń ıegeri Marhabat Baıǵut, «Egemen Qazaqstan» respýblıkalyq gazeti» aksıonerlik qoǵamynyń Basqarma tóraǵasy Darhan Qydyráli qatysyp,  jergilikti zııaly qaýym ókilderi men qala turǵyndaryna izgi tilekterin bildirdi.

1

«Egemen Qazaqstan» gazetin sanasy sáýleli oqyrman tushyna oqıdy. Jóni bólek, josyǵy erek basylymdy ár kezeńde Alashtyń ardaqtylary basqarǵan, qyzmet etken. Kúni keshe Sherhan Murtaza, Ábish Kekilbaev, Saýytbek Ábdirahmanov sekildi tuǵalar, sońǵy jyldary jerlesimiz, Halyqaralyq Túrki akademııasynyń prezıdenti  Darhan Qydyráli basshylyq etip keledi. Ata basylymda bizde eńbek etkendikten bul basylym bizdiń qarashańyraq. Sondyqtan eldiń bas gazetine berilgen kóshe ataýyna bizde marqaıyp, maqtanyp otyrmyz», dedi qarymdy qalamger Marhabat Baıǵut.

Esterińizge salar bolsaq, jetinshi shaqyrylymdaǵy Shymkent qalasy máslıhatynyń kezekti úshinshi sessııasynda Shymkent qalasy máslıhaty men ákimdiginiń birlesken qaýlysymen 2021 jyldyń 18 naýryz kúni qalanyń ataýy joq 325 kóshesine qazaqtyń belgili Ońtústiktegi eldi-mekenderdiń ataýlary, jer-sý ataýlary, roman, epos, halyq ánderi jáne tanymal baspalardyń ataýlary berildi. Qarataý aýdany Bozaryq saıajaıyndaǵy 65 kóshe «Ana tili», «Jas alash», «Abaı joly», «Qamar sulý», «Balhadısha», «Aqbilek» jáne taǵy basqa ataýlarmen atalady.

1

Osynaý taǵylymdy jıynǵa Nur-Sultan qalasynan «Egemen Qazaqstan» respýblıkalyq gazeti» aksıonerlik qoǵamynyń Basqarma tóraǵasy Darhan Qydyráli qatysyp, turǵyndardy jańa kóshe ataýyn alýymen quttyqtady.

«Búgin el gazeti ǵana emes, kúlli qazaq baspasózi úshin de tarıhı kún. Bul ult únparaǵynyń basynda turǵan uly tulǵalarǵa kórsetilgen qurmet dep esepteımiz. Tyń bastamany júzege asyrǵan qala ákimdigine, ondaǵy azamattarǵa alǵys aıtamyz. Anyǵynda, ǵasyrlyq tarıhy bar basylymnyń eń kóp oqyrmandary da osy shyraıly Shymkent óńirinde. Byltyr qala ákimdigimen birlesip arnaıy «Shymkent» betin ashtyq. Úshinshi megapolıs atanǵaly shaharda kóptegen jańa jobalar qolǵa alynyp, elge belgili azamattar qyzmetke kelip jatyr. Osyndaı jaqsy jańalyqtardy   elge, oqyrmanǵa jetkizý bizdiń mindetimiz. Shymkenttiń keregesi keńge jaıylǵaly, jańa qosylǵan eldi mekenderge kóshe ataýlary berilip jatyr. Qazaqy ıis ańqyp turǵan kóshe ataýlarynan jergilikti jerdegi zııaly qaýymnyń qoltańbasy menmundalaıdy. Egemen Qazaqstan kóshesiniń jas jasóspirimderi ósip jetilgen saıyn bizdiń jańa oqyrmandarymyzdyń qatary da ósip, jetile túsedi degen senimdemiz», dedi Darhan Qýandyquly.

1

Shara sońynda aýyl bıi Serik aqsaqal sóz alyp, qaladaǵy kóshe ataýlarynyń qazaqsha ataýlarmen atalyp jatqandyǵyna rızashylyǵyn bildirdi.

Aıta keterligi, osydan biraz jyl buryn Nur-Sultan qalasynda «Egemen Qazaqstan» atty kóshe ashylǵan bolatyn. Júz jyldan astam tarıhy bar respýblıkalyq basylymnyń atyna úshinshi megapolıste kóshe ataýy berilýi sol rýhanı sabaqtastyqtyń bir belgisi bolsa kerek. Ult rýhanııatyn ulyqtaǵan shymkenttikterdiń ıgi bastamasy Elbasymyz Nursultan Nazarbaev aıqyndap bergen «Bolashaqqa baǵdar: rýhanı jańǵyrýdyń» jarqyn kórinisimen úndesip jatyr.

 

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar