Oqıǵa • 10 Sáýir, 2021

Kıik múıiziniń 293 danasy tárkilendi

18 ret kórsetildi

Nur-Sultan qalasynyń PD qyzmetkerleri kıik múıiziniń iri partııasyn tárkileý boıynsha arnaıy operasııa ótkizdi, dep habarlaıdy Egemen.kz IIM baspasóz qyzmetine silteme jasap.

«Bıylǵy jyldyń 9 sáýirinde kıik múıiziniń iri partııasyn satý kezinde iri qylmystyq top ustaldy. Arnaıy operasııa Qaraǵandy oblysy PD-men birlese júrgizildi. Olar 55, 52 jáne 44 jastaǵy eki elorda jáne bir Qaraǵandy oblysynyń turǵyndary bolyp shyqty. Nur-Sultanda turatyn olardyń ekeýi elordadan kıik múıizderin satý naryǵyn izdep, keıinnen Qaraǵandy oblysynyń aýmaǵynda satpaqshy bolǵan. Ustaý kezinde 293 dana múıiz tárkilendi (iri partııa)», delingen habarlamada.

Memleketke aldyn ala keltirilgen shyǵyn kólemi ázirge shamamen 500 mıllıon teńge dep eseptelip otyr.

«Kúdiktilerdiń turatyn jeri men olardyń baılanystarynyń alty mekenjaıy boıynsha bir ýaqytta tintý júrgizilip, aıǵaq zattar men dáleldemeler alyndy. Sonymen qatar, esirtki zattary tárkilendi. Atalǵan fakti boıynsha QR QK-niń 393-baby boıynsha qylmystyq is qozǵaldy», deıdi IIM-nen.

Qazir barlyq kúdiktiler ýaqytsha ustaý ızolıatoryna qamalyp, tergeý júrgizilip jatyr.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar