Eger 2021 jyly medısınalyq saqtandyrý qory 950 myńǵa jýyq qymbat medısınalyq qyzmetti qarjylandyrýdy josparlasa, 2025 jylǵa qaraı olardyń sany 1 355 myńǵa deıin artady.
QR Densaýlyq saqtaý mınıstrliginde Mindetti áleýmettik medısınalyq saqtandyrý (MÁMS) esebinen qymbat turatyn medısınalyq qyzmetterdiń qoljetimdiligi máseleleri talqylandy.
Qazirgi ýaqytta birqatar óńirlerde medısınalyq uıymdardyń tehnıkalyq jaraqtandyrylýynyń tómen bolýyna baılanysty halyq úshin osy qyzmetterge qoljetimdilik deńgeıiniń tómendigi baıqalýda. Qoljetimdiliktiń eń tómen deńgeıi Túrkistan, Qostanaı, Aqtóbe jáne Almaty oblystarynda baıqalady. Densaýlyq saqtaý mınıstrliginde atap ótkendeı, Qostanaı, Almaty jáne Túrkistan oblystarynyń ákimdikterine memlekettik-jekeshelik áriptestik aıasynda qosymsha jabdyqtar satyp alyp, ınvestısııalardy belsendi tartý qajet bolyp tabylady.
«Árbir emhana óziniń bekitilgen halqyn qymbat qyzmetterge baǵyttaý jónindegi josparlardy anyqtaýy, sondaı-aq pasıentterdiń qyzmetterdi ýaqtyly alýy úshin marshrýtyn belgileýi tıis. Merzimi 10 kúnnen aspaýy kerek. Onkologııalyq aýrýlarǵa kúdik týyndaǵan kezde áleýmettik mańyzy bar jáne sozylmaly aýrýlary bar pasıentterdi qymbat turatyn qyzmettermen qamtamasyz etý mańyzdy», dep atap ótti QR DSM MÁMS úılestirý departamentiniń dırektory Gúljan Shaıhybekova
Qymbat turatyn qyzmetterdiń qoljetimdiligin arttyrý jónindegi otyrysqa Áleýmettik medısınalyq saqtandyrý qorynyń, oblystardyń, Nur-Sultan, Almaty, Shymkent qalalarynyń densaýlyq saqtaý basqarmalarynyń, medısınalyq uıymdardyń ókilderi qatysty.
Otyrys barysynda Mınıstrlik medısınalyq saqtandyrý qoryna, Densaýlyq saqtaý basqarmalaryna, medısınalyq uıymdar men ýchaskelik dárigerlerge arnalǵan is-sharalar josparyn usyndy. Bul jospardy júzege asyrý úshin barlyq múddeli uıymdardyń úılesimdi jumysy jáne medısınalyq uıymdarmen únemi keri baılanys qajet, dep atap ótti Densaýlyq saqtaý mınıstrligi.
Sonymen qatar, Gúljan Shaıhybekova Densaýlyq saqtaý mınıstrligi tarapynan berilgen negizgi tapsyrmalarǵa nazar aýdardy.
Máselen, oblystardyń, respýblıkalyq mańyzy bar qalalardyń Densaýlyq saqtaý basqarmalary halyqtyń qajettiligin 100% qamtamasyz etý úshin qymbat turatyn qyzmetterdiń tıisti kólemine ótinimderdi ýaqtyly qalyptastyrýdy, óńirdiń densaýlyq saqtaý ınfraqurylymyn damytý monıtorıngin, medısınalyq uıymdar bólinisinde qymbat turatyn qyzmetterdiń 100% qoljetimdiligin qamtamasyz etý monıtorıngin, olardyń josparyna sáıkes is-sharalardy oryndaýdy qamtamasyz etýi qajet. Sondaı-aq, medısınalyq qyzmetterge kezekterdiń paıda bolýyn boldyrmaý maqsatynda MJÁ obektileri men jeke sektordy tarta otyryp, densaýlyq saqtaý obektileri boıynsha pasıentterdi baǵdarlaýdy ázirleý jáne uıymdar men halyqqa jetkizý qajet;
Áleýmettik medısınalyq saqtandyrý qory densaýlyq saqtaý sýbektilerine kórsetiletin qyzmetter kólemin ýaqtyly ornalastyrýdy, kórsetiletin qymbat turatyn qyzmetterdiń kólemi men sapasy boıynsha sharttyq mindettemelerdiń oryndalýyna monıtorıngti, qymbat turatyn qyzmetterdiń qoljetimdiligine qatysty halyqtyń júginýlerine monıtorıngti jáne óńirler bólinisinde qymbat turatyn qyzmetterdi kórsetý boıynsha aqparat usynýdy jalǵastyrýy qajet;
Medısınalyq uıymdar medısınalyq qyzmetkerler arasynda qymbat turatyn qyzmetterdi kórsetý sharttary boıynsha oqytý jáne túsindirý jumystaryn júrgizý, qymbat turatyn qyzmetterdi kórsetý boıynsha birlesip oryndaý sharttaryn ýaqtyly jasasý, joldamalardy ýaqtyly usynýdy ishki baqylaý jáne pasıentterdiń qyzmetterdi alýyn baqylaý qajet.
«Nur Otan» partııasynyń «О́zgeris joly: árkimge laıyqty ómir!» saılaýaldy baǵdarlamasynyń osy is-sharasynyń oryndalýyna monıtorıng júrgizý turaqty negizde júzege asyrylatynyn atap ótken jón.
