Aldaǵy Palata otyrysynda senatorlar «Eýrazııalyq ekonomıkalyq odaqtyń tehnıkalyq reglamentterinde talaptar belgilenbegen ónimniń Eýrazııalyq ekonomıkalyq odaq sheńberindegi aınalysynyń tártibi jáne mundaı ónimniń qaýipsizdigin qamtamasyz etý qaǵıdalary týraly kelisimdi ratıfıkasııalaý týraly» zań jobasyn qaraıdy.
Bul kelisim Biryńǵaı tizimge engizilmegen, mindetti talaptar belgilenetin ónimderdiń EAEO naryǵyndaǵy aınalymyn retteıdi. Qazirgi tańda mundaı ónimderdiń kólemi keminde 15 paıyzdy quraıdy.
Atalǵan ónimderdiń qaýipsizdigin EAEO zańnamasyna sáıkes ónimdi óndiretin jáne jetkizetin jeke kásipkerler, onyń ishinde daıyndaýshylar, satýshylar jáne ımporttaýshylar qamtamasyz etedi. Osy rette qaýipti ónimdi aınalymǵa shyǵarý jaýapkershiligi Odaqqa múshe memleketterdiń zańnamasyna saı belgilenetinin atap ótken jón.
Sonymen qatar Bıýro otyrysynda Májilisten kelip túsken zań jobalary Senattyń turaqty komıtetterine bólinip berildi.
