QR Premer-Mınıstriniń orynbasary – Syrtqy ister mınıstri Muhtar Tileýberdimen kelissózder barysynda áskerı-saıası, ekonomıka-ekologııalyq jáne gýmanıtarlyq baǵyttaǵy qyzmetterdiń barlyq úsh ólshemindegi Uıymnyń aǵymdaǵy kún tártibinde turǵan ózekti máseleler talqylandy. Qazaqstan men Uıym yntymaqtastyǵynyń jaı-kúıi men perspektıvalaryna, aldaǵy jyldarǵa arnalǵan ózara is-qımyl jónindegi josparlarǵa kóp kóńil bólindi. Kezdesýde taraptar 2010 jylǵy jeltoqsanda EQYU Sammıtiniń qorytyndylary boıynsha qabyldanǵan «Qaýipsizdik qoǵamdastyǵy jolynda» Astana deklarasııasyn iske asyrýdyń mańyzdylyǵyn atap ótti. Kelissózder barysynda taraptar COVID-19 pandemııasynyń aıasynda odan ári yntymaqtastyq máselelerin talqylady.
EQYU Is basyndaǵy tóraıymy shved tóraǵalyǵynyń basymdyqtaryn qoldaǵany úshin qazaqstandyq tarapqa alǵys aıtty. Ol qazirgi jaǵdaıda preventıvti dıplomatııa men medıasııa janjaldardyń aldyn alý men sheshýde qajetti quralǵa aınalatynyn atap ótti.
Sapar baǵdarlamasy sheńberinde A. Lınde Qazaqstan Respýblıkasynyń Prezıdenti Qasym-Jomart Toqaevtyń qabyldaýynda bolady.
