Jalpy, Amerıkanyń eń tanymal oqý orynynyń birine túsý – Sezim úshin kezdeısoq jetistik emes. Jas daryn bul tabysqa talmaı izdený men qajyrly eńbektiń nátıjesinde jetti. Osy mekteptegi joǵary oqý jetistiktigi, kóshbasshylyq qasıetti jáne ǵylymǵa degen qushtarlyǵy qazaq balasyna básekege qabiletti bilimniń qaqpasyn ashqandaı. О́ıtkeni, Garvard – joǵary bilim berý standarttary boıynsha AQSh qana emes, dúnıejúzine tanymal elıtalyq ýnıversıtetiń biri. Al taldyqorǵandyq Sezim Ertańatov endi osy ýnıversıttetiń kompıýterlik ǵylymdar bólimine túsip, bakalavrıat baǵdarlamasy boıynsha oqymaqshy.
– Meni árqashan aqparattyq tehnologııalardyń teorııalyq jáne matematıkalyq turǵydan qalaı jumys jasaıtyny qyzyqtyrady. Qazirgi ýaqytta men Java, C++, PHP sııaqty baǵdarlamalaý tilin úırendim. О́zim, sondaı-aq túrli veb-saıttardy jasaǵandy, derekti fılmder túsirgendi jáne baǵdarlamalardy redaksııalaǵandy unatamyn, – deıdi bolashaq stýdent.
Onyń ustazy, Taldyqorǵan qalasyndaǵy Nazarbaev zııatkerlik mektebi matematıka pániniń muǵalimi Zýhra Daýtova Sezimniń bolashaqta álemdi aýzyna qaratatyn tabysty maman bolýyna tolyq múmkindigi bar degen pikirde.
– Sezimniń tapqyrlyǵy tek matematıka sabaǵynda ǵana emes, jalpy mekteptiń ózin-ózi basqarý baǵytynda da erekshelenip kórindi. Mektep qabyrǵasynda Sezim birqatar eriktiler qozǵalysyn uıymdastyrdy, kásiptik baǵdarlaý komıtetin ashty jáne BUU modeli oıyny boıynsha qalalyq konferensııa uıymdastyrdy. Sonymen birge ol ınformatıka jáne qazaq tili pánderinen «Jas ǵalym», «Daraboz» atty halyqaralyq, respýblıkalyq olımpıadalardnyń júldegeri jáne jeńimpazy atandy, – deıdi ustaz Zýhra Daýtova.
Aıtpaqshy, Sezim Ertańatov Taldyqorǵan qalasyndaǵy Nazarbaev zııatkerlik mektebinde oqyp júrip, Garvard ýnıversıtetiniń garntyn jeńip alǵan ekinshi túlek eken. Buǵan deıin osy mekteptiń taǵy bir oqýyshysy Amerıkadan shaqyrtý alyp, qazir sol elde bilimin jetildirip jatyr.
