«Dezınseksııalyq is-sharalar ashyq stansııalardy qamtıdy, ıaǵnı saıabaqtar, skverler, ózender men arnalardyń jaǵalaýlary, sý aıdyndary, sondaı-aq jabyq stansııalar, ıaǵnı ıesiz úıler, oramishilik aýmaqtar. Nátıjeni qala shekaralarynda turaqtandyrý úshin masalardyń kóshi-qonyn ustap turý maqsatynda arnaıy kedergiler ornatylady.
Ashyq stasııalarda shybyn-shirkeı sanyn azaıtý jónindegi is-sharalar táýliktiń túngi ýaqytynda – 21.00-den tańǵy 04.00-ge deıin 6 týr boıy júrgiziledi, olar aıyna 15 kúnge sozylady.
Dezınseksııalyq jumystar úshin quramynda áser etýshi zaty bar hlorpırıfos jáne malatıon qoldanylady. Bul – adamdar men janýarlar úshin qaýiptiligi az ınsektısıdter. Atalǵan preparattar Qazaqstan aýmaǵynda qoldanýǵa ruqsat etilgen tizimge engizilgen», dep habarlady basqarma basshysynyń orynbasary Janar Beskempirova.
Nur-Sultan qalasynyń sanıtarlyq-epıdemııalyq baqylaý departamentiniń mamany Naǵıma Shataevanyń aıtýynsha, qazir qalada taıaz sý qoımalaryna entomologııalyq zertteýler júrgizý bastaldy.
«Aýa temperatýrasy jylyǵannan keıin masalar belsendi túrde kóbeıe bastaıdy. Sol sebepti masalardyń qystaıtyn oryndaryna qorǵanys kedergilerin ornata bastadyq. Balańqurttar paıda bolǵannan keıin qalanyń shetinde qamys-shópti ósimdikter bar ekenin eskere otyryp, 14-15 sáýirde jappaı shybyn-shirkeılerdi joıý jumystary bastalady», dedi Naǵıma Shataeva.
Budan basqa 2021 jylǵy 15 sáýirden bastap deratızasııalyq is-sharalardy ótkizý boıynsha kóktemgi týr bastalady.
Kemirgishterdi joıý jónindegi is-sharalar qalanyń jeke sektoryn jáne ashyq aýmaqtardy (saıabaqtar, skverler, sý qoımalary, sý aıdyndary, arnalar jáne zırattar) qamtıtyn bolady.
Jeke sektordyń turǵyndary tegin ýly dári alady jáne sol jerde qaýipsizdik erejeleri boıynsha nusqaýlyq ótkiziledi.
Mamandar turǵyn úılerdi 3 márte óńdeıdi. Osylaısha 25 myńnan astam turǵyn úıdi óńdeý josparlanyp otyr. Saqtyq sharalary týraly umytpaý kerek jáne ýly dári-dármekterdi balalardyń qoly jetpeıtin oryndarǵa (jertóle, úıdiń shatyry) qoıý kerek.
Saıabaqtarda, ózenderdiń, arnalardyń, sý qoımalarynyń jáne zırattardyń aýmaǵyna ýly jem qoıylatyn bolady. О́ńdeletin aýmaqtyń kólemi 3 112 gektardy quraıdy.
«Deratızasııa Qazaqstanda qoldanýǵa ruqsat etilgen, bromadıolon preparatyn qamtıtyn dándi daqyldar sebindisin paıdalana otyryp júrgiziledi. Mundaı sharalar kemirgishter sanyn azaıtý jáne asa qaýipti juqpaly aýrýlardyń taralýyn boldyrmaý úshin qajet.
Aıta ketý kerek, kommersııalyq nysandarǵa, kóppáterli turǵyn úı keshenderine, densaýlyq saqtaý jáne bilim berý nysandaryna jeke sharttar negizinde qyzmet kórsetiledi jáne onyń jumysy qyzmet kórsetetin kompanııa esebinen júzege asyrylady», dep habarlady vedomstvonyń mamandary.
