Koronavırýs • 13 Sáýir, 2021

Pavlodarda jaǵdaı kúrdelene tústi

39 ret kórsetildi

Pavlodar oblystyq densaýlyq saqtaý basqarmasynyń málimetinshe, indetke shaldyqqandar qatary kúrt artqan jaǵdaıda óńir dárigerleri barlyq em-sharalardy kórsetýge daıyn. COVID-19-ǵa qarsy is-qımyl jónindegi jedel shtabtyń kezekti otyrysynda Memleket basshysy Qasym-Jomart Toqaevtyń eldegi epıdemııalyq ahýal jónindegi keńeste bergen tapsyrmalaryn oryndaý máseleleri qaraldy.

Pavlodar qalalyq №4 emhanasynyń bas dárigeri Arman Otarbekovtiń aı­týynsha, ekpe alýǵa kelgen adamnyń aǵzasy tolyq tekseriledi. Birde-bir vaksına adam aǵzasyn aýrýdan tolyq saqtaı almaıdy. Al Spýtnık V preparatynyń tıimdiligi joǵary. Vaksına dári emes. Saý adamnyń boıynda jańa vırýsqa qarsy ımmýnıtet qalyptastyrady. Sol arqyly ekpe alǵan adamnyń aǵzasy vırýs­pen ońaı kúresedi. Indettiń asqy­nýyna jol bermeıdi.

О́ńirde sońǵy kúnderi indet juq­tyrý belgilerimen aýrýhanalarǵa jat­qy­zyl­ǵan naýqastardyń sany shamamen eki esege artty. Basqarmanyń má­li­­metinshe, qazir aýrýhanalarda 440 naýqas emdelýde, onyń 25-i jan saqtaý bólimderinde, 6-y ókpeni ja­sandy tynys­­­tandyrý appa­ratyna qosylǵan. О́ńirde aýyr­lyǵy ortasha jáne aýyr dárejedegi indet juqtyrýshy naýqastardyń sany artqan. Táýligine orta eseppen 30 koronavırýs ınfeksııasy jaǵdaıy tirkelip otyr. Naýqastar aýrýhanalardaǵy 1 394 ınfeksııalyq tósektik orynnyń tórtten bir bóliginde em qabyldaýda. Mysaly, 8 sá­ýirde 34 adam indet juqtyrsa, 50 adam indetten jazylyp shyqqan.

– Eger vaksına sany ekpe salýǵa jetkilikti bolsa, oblys ortalyǵyndaǵy saýda ortalyqtarynda jasaýǵa bolady. Qazir bul másele Indýstrııalyq-ınnovasııalyq damý jáne Sanıtarııa­lyq-epıdemıologııalyq baqylaý bas­qarma­larymen kelisildi. Ekpe alǵysy keletin turǵyndarǵa saýda ortalyqtary alań berýge daıyn, – deıdi oblystyq densaýlyq saqtaý basqarmasynyń basshysy Aıdar Seıitqazınov.

Densaýlyq saqtaý mınıstrligi óńi­rimizge vaksınanyń 92 950 bóligin ji­bergen. Juqpaly ınfeksııanyń taralý kórsetkishi artsa, táýligine 3 350 PTR-test jasaıtyn 6 zerthana jumys isteıdi. 11 ottegi stansasy daıyn, 8-i kovıdtik stasıonarlarda ornatylǵan, 1 484 tósektik oryn ottegimen, aýrýhanalar 11 kompıýterlik tomografııa, 82 rentgen apparattymen jabdyqtaldy. Medısınalyq mekemelerdiń barly­ǵyn­da jeke qorǵanys quraldary men dári-dármekterdiń 45 kúndik qory bar. 580 medısınalyq qyzmetkerden ja­saq­­talǵan rezerv qurylǵan.

Qazirgi tańda «Gam-KOVID-Vak» pre­paratynyń I komponentin oblystyń 6 018 turǵyny, II komponentin 2 856 adam qabyldady.

Al oblys ákimdigi kásipkerlerdiń jumysy shektelmegendikten, bıznes-qaýymdastyqty sanıtarlyq talaptardy saqtaýǵa shaqyrýda. Shaǵyn jáne orta bıznestiń jumysyn úılestirý úshin COVID-19-ǵa qarsy is-qımyl jónindegi shtab quramyna «Atameken» óńirlik kásipkerler palatasynyń ókilderi qosy­latyn bolady. О́ńirdegi iri jáne shaǵyn kásiporyndarda da ekpe salý bastaldy.

– Indettiń aldyn alýdyń eń tıimdi sharasy – ekpe alý, – deıdi mamandar. – 8 sáýirde óńirge 11 myń Spýtnık V vak­sınasy kelip, ony aýrýhanalar men emhanalarǵa berý bastalǵan. Soń­­ǵy aılarda vaksına alǵandardyń qata­ryn­daǵy tizimde egde jastaǵy tur­ǵyndar da kó­beıgen, olardyń sany myńnan asqan.

Oblys ortalyǵyndaǵy №1 qala­lyq aýrýhananyń kúıikten emdeý bó­lim­shesiniń meńgerýshisi Marat Qan­jyǵalınniń aıtýynsha, ol ekpeni eń alǵashqy bolyp saldyrǵan. Marattan basqa oblystyń 171 medısına qyzmet­keri «Gam-KOVID-Vak» preparatyn alǵashqy bolyp qabyldaǵan.

– Eki kezeńnen turatyn ekpe alǵan soń da aǵzamda eshqandaı teris áser bolǵan joq. О́zińniń indetten qorǵanýyń úshin qajet. Tegin jasalyp jatqan múm­kindik. Sondyqtan turǵyndardy ekpe alý sharasyna qatysýǵa keńes berer edim, – deıdi dáriger.

Emhana tirkeýinde turǵan muǵa­limder, prokýratýra, sot, polısııa de­par­tamentiniń mamandary da ekpe alýda. Turǵyndardy shaqyrý maqsatynda úgit-nasıhat jumystary júrgizilýde. Bul shara telefon, emdeý mekemesiniń áleýmettik paraqshasy, saıt, Whats App jelisi arqyly uıymdastyrylýda. Ekpe alǵysy keletin adamdar ýchas­kelik dárigerlerine habarlasyp, jeke málimetterin qaldyra alady. Maman­dar ony tizimge qosyp, preparat emha­naǵa túsken boıda alýǵa shaqyrady. Jal­py, 7 sáýirdegi málimet boıynsha I komponentte 10 632 adam, II komponentte oblystyń 4 895 turǵyny vaksına aldy. Turǵyndar indetke qarsy ekpe alý úshin egov.kz elektrondy portalynda tirkeýden ótip, ótinim berý arqyly jazyla alady.

 

Pavlodar oblysy

 

Sońǵy jańalyqtar

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Shýchınskide bazar órtendi

Oqıǵa • Búgin, 09:27

Ań patshasy kóbeıdi

Ekologııa • Búgin, 07:42

Uqsas jańalyqtar