Aımaqtar • 13 Sáýir, 2021

Túıe kótergen Tımýr

80 ret kórsetildi

Shymkentte kúsh atasy Qa­jymuqan Muńaıtpas­uly­nyń 150 jyldyǵyna oraı dańqty balýannyń izin jalǵap, ónerin pash etip júr­gen qol kúresten halyq­aralyq dárejedegi sport sheberi Tımýr Spataev sal­maǵy 400 kelige jýyq túıeni kóterdi.

Osylaısha qol kúresinen Azııa chempıony, Qazaqstan Respýb­lıka­synyń 5 dúrkin chempıony, Álem rekordshysy, Fransııa, Germanııa, О́zbekstan, Reseı elderinde óner kórsetken Tımýr Daýletbaquly shahardaǵy Qajymuqan atyndaǵy ortalyq stadıonda ornalasqan qazaq tolaǵaıynyń eskertkishi aldynda jarty tonna tartar Oısyl­qaranyń tuqymyn tik kóterip, babalardan jalǵasqan baǵzy ónerdi el-jurtqa kórsetti.

Qalalyq dene shynyqtyrý jáne sport basqarmasy basshysynyń min­detin atqarýshy Baýyrjan Tu­manbaev, dańqty boksshy, Sıdneı olım­pıadasynyń kúmis júldegeri Muh­tarhan Dildábekov Tımýrǵa sát­tilik tilep, Qajymuqan atasynyń isin álemge tanytýǵa tilektestik bildirdi.

Túıe kóterýden bólek, Tımýr 25 kılo tartatyn semser qylyshty bir qo­lymen urshyqsha ıirip, kórer­menniń ystyq yqylasyna bólendi. Aldaǵy ýaqytta jas balýan ónerin Gınnestiń rekordtar kitabyna tirkeý úshin arnaıy synaqtan ótetin bolady.

Alqaly jıynda sala basshylary ultymyz ǵana emes, túgel túr­kige ortaq kúsh atasynyń óne­rin dáripteý, keler urpaqqa nası­hattaýda erinbeı eńbek etip júrgen Tımýrdaı talantqa qoldaý kór­setiletinin jetkizdi.

 

ShYMKENT

 

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar