Elorda • 13 Sáýir, 2021

Elordada azyq-túlik baǵasy aıtarlyqtaı tómendegen

227 ret kórsetildi

Nur-Sultan qalasynda azyq-túlik taýarlary baǵasynyń ósimi ótken jylǵy kezeńnen 6,2 paıyzǵa tómendep ketken, dep habarlaıdy Egemen.kz

Bul týraly Nur-Sultan qalasy Investısııalar jáne kásipkerlikti damytý basqarmasy basshysynyń orynbasary Gúlmıra Ermoldına aıtyp berdi.

«Jyl basynan beri negizgi azyq-túlik taýarlary boıynsha baǵanyń ósimi baıqalady. Biraq ótken jyldyń uqsas kezeńimen salystyrǵanda bul ósim 6,2 paıyzǵa tómen. Negizinen baǵanyń ósýi kókónisterde, ósimdik maıy, taýyq etine jáne birinshi surypty unda baıqalady. Ádettegideı baǵanyń ósýi qańtar men mamyr aralyǵynda bolady, al mamyrdan bastap, jańa egin ónimderiniń kelýimen baǵalar tómendeıdi», dedi G.Ermoldına elorda ákimdiginde ótken onlaın brıfıngte.

Spıker baǵalardyń ósýine óndirýshiler shıkizatynyń qymbattaýy, býyp-túıý materıaldary men kólik shyǵyndarynyń qymbattaýy jáne deldaldardyń da áseri bar ekenin aıtty.

«Qala boıynsha baǵany turaqtandyrýdyń eki tetigi iske asyrylýda: birinshisi – turaqtandyrý qoryn qalyptastyrý, ekinshisi – aınalym mehanızmindegi jumys. Turaqtandyrý qory boıynsha un, kúrish, qant satyp alyndy. Ákimdik ekinshi mehanızmge kóp kóńil bólýde jáne saýda jelilerine jeńildetilgen nesıe beriledi. О́ıtkeni bizde óndirýshilerdiń basym bóligi óńirlerde ornalasqan, sondyqtan biz halyqty baǵa boıynsha jeńildetilgen nesıeleýmen barynsha qamtý úshin saýda jelisine basty nazar aýdaramyz», dedi G.Ermoldına.

Sońǵy jańalyqtar

Shırek fınalǵa ótti

Tennıs • Keshe

Uqsas jańalyqtar