Vedomstvodanyń habarlaýynsha vaksınasııany 20 jáne 90 jas aralyǵyndaǵy qala turǵyndary qabyldady. QR Bas memlekettik sanıtarlyq dárigeriniń qaýlysymen vaksına alý úshin joǵarǵy jas shegi alynyp tastaldy.
«Infeksııaǵa shaldyǵýy múmkin adamdardyń tiziminde jasymyzǵa baılanysty alǵashqylardyń biri bolyp turamyz. О́tken jyly jaǵdaı óte qorqynyshty boldy. Men áli de ómir súrip, nemerelerimniń qyzyǵyn kórgim keledi. Sol sebepti ekpe qabyldaý nemese qabyldamaý týraly tipti oılanyp ta jatpadym. Bizge de vaksına alýǵa bolatynyn bilgende qýanyp, birden emhanaǵa keldim. Densaýlyǵym jaqsy kúıde ómir súrgim keledi», dedi 72 jastaǵy qala turǵyny Qaıyrgeldi Jumanov.
Medısına qyzmetkerleri azamattardy vaksınasııalaýdyń oń úrdisin atap ótti.
«Biz ekpe alǵysy keletinder kóp ekenin baıqap otyrmyz. Bul bizdi qýantady. Shyny kerek, bastapqyda bul is qalaı ótetini týraly ekiudaı oıda boldyq. Jurt KVI vaksınasyna narazy bolady dep oılaǵan edik, biraq bári kerisinshe bolyp shyqty. Kópshilik jańalyqtardy oqyp, tek oń pikirler baıqaǵanyn, al aıtarlyqtaı kúshti janama áserlerdi baıqamaǵanyn aıtyp jatyr. Kóptegen adam vaksınanyń densaýlyqqa zııany joq ekenin, tek paıdasy men indettiń aldyn alý ekenin túsindi», deıdi №2 qalalyq emhananyń aǵa medbıkesi.
Eske salaıyq, 12 sáýirde elordada koronavırýs ınfeksııasyna qarsy ekpe alǵysy keletinderdi jappaı vaksınasııalaý bastaldy. 640 myńnan astam azamatty nemese turǵyndardyń 60%-yn jas shekteýleri men medısınalyq kórsetkishterine sáıkes qamtý josparlanyp otyr. Vaksınasııa qalanyń AMSK uıymdarynda (uıymdardyń tizimi elordanyń Qoǵamdyq densaýlyq saqtaý basqarmasynyń saıtynda kórsetilgen) jáne «Mega Silk Way» SOO-da júrgiziledi.
Elorda ákimi Altaı Kólginovtiń tapsyrmasy boıynsha egý pýnktteriniń sany 36-dan 100-ge deıin ulǵaıtyldy. Jumys kestesi saǵat 08:00-den 00:00-ge deıin uzartyldy.
Búgingi tańda elordada koronavırýstyq ınfeksııaǵa qarsy 34 myńǵa jýyq adam ekpe aldy.
