Ulttyq ekonomıka mınıstriniń orynbasary Álisher Ábdiqadyrov osyndaı málimet aıtty.
«Memleket basshysy Qasym-Jomart Toqaevtyń 7-shi shaqyrylǵan Parlamenttiń 1-shi sessııasynyń ashylýynda bergen tapsyrmasy boıynsha zań jobasynda saıası partııalardyń Parlament Májilisine saılaý kezinde tirkeýden ótý shegin 7-den 5 paıyzǵa túsirý kózdelgen. Sondaı-aq, saılaý bıýlletenderine «bárine qarsymyn» degen jazý engizý qarastyrylǵan», dedi vedomstvo ókili.
Álisher Ábdiqadyrovtyń sózinshe, bul normalar tirkelgen partııalardy aldaǵy saılaýlarǵa qatysýǵa zańnamalyq turǵyda yntalandyryp, eldegi saıası báskelestikti damytýǵa, saılaýdyń barlyq deńgeıinde halyqtyń barsha kandıdatqa qarsylyǵyn bildirý quqyǵyn qamtamasyz etýge múmkindik beredi.
«Bul zań jobasy azamattardyń ózderiniń konstıtýsııalyq quqyqtaryn tolyqqandy iske asyrýǵa, jergilikti memlekettik organdardyń halyqtyń mutajdyǵy men problemalaryna qulaq asýyn kúsheıtýge jáne «estıtin memleket» tujyrymdamasyn tolyq kólemde iske asyrýǵa múmkindik dep topshylaımyz», dedi Álisher Ábdiqadirov.
Buǵan deıin habarlaǵanymyzdaı, Májiliste saılaý týraly zańnamaǵa engiziletin túzetýler tanystyrylyp jatyr. Zań jobasy boıynsha, ákimder saılaýyn alǵashqy eki jylda OSK qarjylandyrady.
