UNODC Vena shtab-páterinde (BUU Esirtki jáne qylmys jónindegi basqarmasy) otbasylyq qundylyqtarǵa arnalǵan qazaqstandyq jobaǵa joǵary baǵa berildi. UNODC-tiń 64-shi sessııasynda táýelsiz sarapshylar aımaqtaǵy densaýlyq pen áleýmettik damýǵa arnalǵan taqyryptyq zertteýlerdiń nátıjelerin usyndy. Qylmysqa jáne esirtkiniń taralýyna qarsy negizgi faktorlardyń biri retinde otbasy mıssııasyna erekshe nazar aýdaryldy.
UNODC aımaqtyq keńsesiniń ókili Roı Soltanıan Nazarbaev Zııatkerlik mektepterinde qurylǵan «Berik otbasy» baǵdarlamasynyń tabystylyǵyn atap ótip, táýelsiz sarapshylar onyń segiz eldiń mektep psıhologtaryna engizýge usynǵanylǵanyn aıtty. NIS Balalardyń ıgiligin qamtamasyz etý departamenti Oxford Brookes University-diń Debbı Alen jáne Lındsı Kýmbspen birge uıymdastyrǵan trenıngterdiń biri jaıyndaǵy taqyryptyq beınerolık 64-shi sessııada kórsetildi.
«Berik otbasy» – UNODC (BUU-nyń Esirtki jáne qylmys jónindegi basqarmasy) bastamasymen qurylǵan jáne 35-ten astam elde qajettiligin dáleldegen halyqaralyq joba. – UNODC jasóspirimderge qaýipsiz jáne ıgilikti orta qalyptastyrýǵa, qaýipti jáne qoǵamǵa jat minez-qulyq úlgileriniń aldyn alýǵa, otbasylyq qundylyqtardy qurmetteýge múddeli, – dep túsindirdi Qazaqstandaǵy baǵdarlamalyq keńseniń ulttyq jobalyq ofıseri Janerke Omarova.
Respýblıka kóleminde «Berik otbasy» óz jumysyn Zııatkerlik mektepterden bastady. NIS-te qurylǵan jáne birden birneshe elge taralǵan dál osyndaı baǵdarlama adamı qundylyqtarǵa arnalǵan. Muǵalimder men psıhologtar, eresekter úshin jasóspirimder men ata-analar arasyndaǵy dostyq qarym-qatynasty nyǵaıtý kúndelikti jumysty qajet etedi. Sonymen birge olardyń bir-birine senimi qylmysqa, esirtkige, destrýktıvti qubylystarǵa qarsy turýǵa yqpal etetinin túsinýge kómektesedi.
