Qazaqstan • 14 Sáýir, 2021

О́tken jyly 140 myńnan astam turǵyn úı paıdalanýǵa berilgen

4 ret kórsetildi

Táýelsizdik alǵan 30 jyl aralyǵynda elimizde 170 mln sharshy metrden astam jańa turǵyn úı salynyp, 1,6 mıllıonnan astam azamat turǵyn úımen qamtamasyz etildi. Bul týraly OKQ alańynda ótken brıfıngte QR Indýstrııa jáne ınfraqurylymdyq damý birinshi vıse-mınıstri Qaıyrbek О́skenbaev málim etti. 

Vıse-mınıstrdiń aıtýynsha, 2020 jyly respýblıka boıynsha 15,3 mln sharshy metr turǵyn úı salynyp, 140 myńnan astam turǵynjaı paıdalanýǵa berilgen.

«Turǵyn úı qurylysyna ınvestısııalar 2019 jylmen salystyrǵanda 33,6% - ǵa ósip, 2 trln teńgeni qurady. Memlekettik qarajattyń 1 teńgesine 5 teńge jeke ınvestısııalar tartyldy. «Nur Otan» partııasynyń «О́zgerister joly: Ár azamatqa laıyqty ómir!» saılaýaldy baǵdarlamasyna sáıkes 2021-2025 jyldar aralyǵynda 103 mln sharshy metr jańa turǵyn úı salýdy josparlap otyrmyz. Aǵymdaǵy jyldyń 1 toqsanynyń qorytyndysy boıynsha qurylys salasynda engizilgen lokdaýndarǵa qaramastan damýdyń oń serpini baıqalady. Qurylys-montaj jumystarynyń kólemi ótken jylmen salystyrǵanda 13% artty. Qurylys belsendiliginiń ósýi Mańǵystaý oblysyn qospaǵanda, 16 óńirde baıqalady», - dedi Q.О́skenbaev. 

IIDM málimetinshe, bıyl 1 toqsanda 2,9 mln sharshy metr turǵyn úı paıdalanýǵa berilse, bul ótken jyldyń sáıkes kezeńinen 8,6% - ǵa joǵary, 23 663 turǵynjaı paıdalanýǵa berildi.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar