Tehnologııa • 14 Sáýir, 2021

NIS túlegi robot-tehnıka boıynsha tegin onlaın kýrs bastady

49 ret kórsetildi

Taldyqorǵan qalasyndaǵy Nazarbaev Zııatkerlik mektebiniń 2020 jylǵy túlegi, Nazarbaev Ýnıversıtetiniń stýdenti Danııl Fılımonov robot-tehnıka boıynsha «Beyond Robotics» tegin onlaın kýrsyn iske qosty. Kýrsqa robot-tehnıka boıynsha úzdik qazaqstandyq trenerler men amerıkandyq JOO professorlarynyń vebınarlary men onlaın sabaqtary endi, dep habarlaıdy Egemen.kz.

Oqytý «Beyond Curriculum» qoǵamdyq qorynyń onlaın-mektebi bazasynda ótýde.⠀

– Kishkentaı kezimnen bastap meni qurastyrý ıdeıasy qyzyqtyrdy, sondyqtan Nazarbaev Zııatkerlik mektebiniń qabyrǵasynda robot-tehnıka úıirmesine jazyldym. Bizdiń jobalarymyz halyqaralyq arenada, Dúnıejúzilik WRO robottar olımpıadasynda usynylady dep tipti elestete almadym. Jeńister az bolǵan joq, endi men robot-tehnıkany oqyǵysy keletinderdiń barlyǵyna kómektesý úshin jańa maqsat qoıyp otyrmyn, – deıdi Danııl Fılımonov.

Danııl Fılımonov – World Robot Olympiad 2019 halyqaralyq kezeńinde «Open Senior» sanatynda úshinshi oryn, sondaı-aq robot-tehnıka boıynsha respýblıkalyq olımpıadanyń altyn medaldarynyń (2018, 2019), ǵaryshtyq zertteýler boıynsha halyqaralyq jarystyń birinshi dárejeli dıplomynyń (2019), «Ǵarysh. Ǵylym. Intellekt» Naýryz kezdesýleriniń ekinshi dárejeli dıplomynyń (2019) ıegeri. ⠀

Danııl óz tobymen birge robot-tehnıka boıynsha 10-nan astam tegin onlaın kýrstaryn, 25 saǵattyq sabaqtardy, 6 vebınardy ázirledi, sondaı-aq, Kornell jáne Mıchıgan ýnıversıtetteriniń júzdegen qosymsha materıaldaryn daıyndady.⠀

Oqytý kez-kelgen daıyndyq deńgeıi bar qatysýshylarǵa arnalǵan: robot-tehnıka negizderinen bastap neırondyq jelilerge deıin, praktıkada quraldarmen jumys isteý úshin, tipti oqytýshylarǵa arnalǵan materıaldardy da qamtıdy. Sondaı-aq platformada progresti baqylaýǵa arnalǵan úı tapsyrmalary men testter bar. Materıaldar qazaq jáne orys tilderinde de qoljetimdi.⠀

Kýrs negizin qalaýshy Anton Morgýnov bolyp tabylatyn «Beyond Curriculum» qoǵamdyq qorynyń qoldaýymen quryldy. Anton – Taldyqorǵan qalasyndaǵy Nazarbaev Zııatkerlik mektebiniń 2017 jylǵy túlegi, hımııa páninen halyqaralyq jáne respýblıkalyq olımpıadalardyń birneshe dúrkin jeńimpazy jáne júldegeri, búginde MIT (Massachýsets tehnologııalyq ınstıtýty) Hımııa jáne bıologııa fakýltetiniń stýdenti.⠀

Beyond Curriculum – matematıka, fızıka, hımııa, bıologııa, geografııa pánderinen tegin bilim alýǵa múmkindik beretin bilim berý platformasy.⠀

– Bizdiń komanda «Beyond Robotics» tegin jobasynyń kómegimen robot-tehnıkaǵa qosylǵysy keletinderdiń barlyǵyna múmkindik berýdi kózdeıdi. Qazirgi ýaqytta 100-den astam oqýshy bilim alýda, sen de qosyl. Robottar álemine qosh keldińizder!, – dep «Beyond Curriculum» qoǵamdyq qory «Robot-tehnıka» bóliminiń basshysy Danııl Fılımonov qosylýǵa shaqyrdy.⠀

«Beyond Robotics» boıynsha oqýdy bastaý úshin onlaın-mektepte tirkelý jetkilikti https://school.bc-pf.org/ jáne siltemege ótip, katalogtan Robot-tehnıka https://robotics.bc-pf.org/  kýrsyn qosý qajet.⠀

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar