Aımaqtar • 14 Sáýir, 2021

ShQO-da jol qyzmetiniń 80 basshysy ákimshilik jaýapkershilikke tartyldy

19 ret kórsetildi

Shyǵys Qazaqstan oblysynyń Polısııa departamenti qyzmetkerleri jol qozǵalysy qaýipsizdigin únemi nazarda ustaıdy, dep habarlaıdy Egemen.kz.

Jyl basynan beri jol qadaǵalaý mamandary 450-den astam tekserý júrgizgen. Nátıjesinde 80 jol qyzmetiniń basshylary men temirjol ótkelderiniń 11 ıesi ákimshilik jaýapkershilikke tartyldy. Salynǵan aıyppul somasy 2 mln 600 myń teńgeni qurady. Bul rette úsh laýazymdy tulǵaǵa 131 265 teńge kóleminde ákimshilik aıyppul salyndy.

Polıseılerdiń aıtýynsha, kólik aǵyny kóbeıgen zamanda tek ákimshilik sharalarmen jol qaýipsizdigin saqtaý múmkin emes. Ol úshin jol-kólik ınfraqurylymyn jaqsartý jáne jol qozǵalysyn uıymdastyrý deńgeıin arttyrý qajet.

Aıta keteıik, jergilikti atqarýshy organdardyń qoldaýymen ShQO PD usynystarynyń arqasynda О́skemende eki jerústi ótkeli boı kóterdi. Sonymen qatar solǵa burylýdy jeńildetý úshin 19 baǵdarshamǵa qosymsha belgi ornatyldy. Oqý oryndarynyń mańynda aq-sary tústi gammada jol tańbalary salyndy.

– Oblys boıynsha respýblıkalyq mańyzy bar avtomobıl joldaryn jańǵyrtý júrip jatyr. Atap aıtsaq Almaty – О́skemen jáne Omby – Maıqapshaǵaı. Osy tustarda da apattyń aldyn alý úshin is-sharalardyń úlken kesheni kózdelgen, – dep túsindirdi ShQO PD Ákimshilik polısııa basqarmasynyń bastyǵy Ernar Bazarov.

Jol qozǵalysyn uıymdastyrýdy jaqsartý úshin osyndaı jumystar bıyl da júrgiziledi. Máselen, Semeıde jańa meshit aýdanynda eki jerústi ótkeli salynady. Qala ishindegi joldar ózgeredi.  4 000-nan astam jol belgisi aýystyrylady.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar