Aımaqtar • 14 Sáýir, 2021

Almatyda epıdahýal máz emes

32 ret kórsetildi

Almaty qalasy Sanıtarlyq-epıdemııalyq baqylaý departamenti basshysynyń orynbasary Ásel Qalyqova onlaın brıfıng barysynda vırýs juqtyrǵandar sanynyń artqandyǵyn málim etti, dep habarlaıdy Egemen.kz 

Ásel Qalyqovanyń aıtýynsha, Almatyda koronavırýsty juqtyryp, aýyrǵandar sanynyń kóbeıýi jalǵasýda. Onyń qashan toqtap, juqtyrý deńgeıiniń tómendeýi bul qala turǵyndarynyń koronavırýstyń aldyn alý sharalaryn saqtaýyna, sondaı-aq halyqtyń vaksınasııaǵa qanshalyqty belsendi qatysatynyna baılanysty.

«2021 jyldyń basynan beri qalada 24 378 juqtyrý oqıǵasy tirkeldi, sońǵy táýlikte 612 jaǵdaı anyqtaldy. Is júzinde 1-13 sáýir aralyǵynda koronavırýs ınfeksııanyń 8301 jaǵdaıy tirkeldi», dedi Almaty SEBD basshysynyń orynbasary.

Ásel Qalyqovanyń pikirinshe, halyqqa bosańsymaý kerek, qorǵaný sharalaryn saqtaýdy jalǵastyryp, vaksınasııa qarqynyn arttyrý qajet. Sonda ǵana kóktemniń sońynda naýryz jáne sáýir aılarymen salystyrǵanda aýrýdyń azaıǵanyn kórýimiz múmkin.

«Aǵymdaǵy jyly KVI indetiniń damý qarqyny mynadaı: qańtar – 3607 jaǵdaı, aqpan – 2945, naýryz – 9525, sáýirdiń 13 kúninde – 8301 jaǵdaı. Almaty qalasynda koronavırýs ınfeksııanyń kóbeıý sebepteri, buǵan deıin de aıtylǵandaı, eń aldymen, COVID-19 mýtasııalanǵan shtamdarynyń taralýynan. Aýyrǵandardyń kóbeıýi mýtasııalanǵan shtamdardyń anyqtalýymen sáıkes keledi, onda qysqa ınkýbasııalyq kezeń, barlyq jas toptarynyń, onyń ishinde 1 jasqa deıingi balalardyń da juqtyryp, naýqastanýy, ınfeksııanyń aýyr ótetini jáne odan joǵary ólim-jitim baıqalady», dedi spıker.

Epıdemıolog balalar arasynda juqtyrýdyń kóbeıýine baılanysty ata-analardan balalaryn adamdar kóp jınalatyn jerlerge, onyń ishinde saýda-oıyn-saýyq ortalyqtarynda bolýyna jol bermeý sharalaryn qabyldaýǵa shaqyrdy. Sonymen qatar, eresekterge karantın kezeńinde balalardy úıde bos otyrmaýyn qamtamasyz etý kerek.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar