Qazirgi kezde qalada koronavırýsty juqtyryp, aýyrǵandar sanynyń kóbeıýi jalǵasýda. Aýrýdy juqtyrý deńgeıiniń tómendeýi bul qala turǵyndarynyń koronavırýstyń aldyn alý sharalaryn saqtaýyna, sondaı-aq halyqtyń vaksınasııaǵa qanshalyqty belsendi qatysatyndyǵymen baılanysty. Sondyqtan da Ásel Qalyqova balalar arasynda juqtyrýdyń kóbeıýine baılanysty ata-analardy olardyń adamdar kóp jınalatyn jerlerde, onyń ishinde saýda-oıyn-saýyq ortalyqtarynda bolýyna jol bermeý sharalaryn qabyldaýǵa shaqyrdy. Sonymen qatar, eresekterge karantın kezeńinde balalardyń úıde bos otyrmaýyn qamtamasyz etý kerek.
«Ázirge Almatyda KVI boıynsha epıdemıologııalyq kórinis optımıstik baǵytta emes. «2021 jyldyń basynan beri qalada 24 378 juqtyrý oqıǵasy tirkeldi, sońǵy táýlikte 612 jaǵdaı tirkeldi. Is júzinde 1-13 sáýir aralyǵynda koronavırýstyq ınfeksııanyń 8301 jaǵdaıy tirkeldi»,- dep habarlady Á.Qalyqova. Onyń aıtýynsha, kúnniń jylyndy dep bosańsýdyń qajeti joq. Qorǵaný sharalaryn saqtaýdy jalǵastyryp, vaksınasııa qarqynyn arttyrý qajet. Sonda ǵana kóktemniń sońynda naýryz jáne sáýir aılarymen salystyrǵanda aýrýdyń azaıǵanyna kóz jetkizýge bolady.
