Bilim • 14 Sáýir, 2021

NIS oqýshysy Pensılvanııa ýnıversıtetinen shaqyrtý aldy

180 ret kórsetildi

Nur-Sultan qalasyndaǵy Nazarbaev Zııatkerlik mektebiniń 12-synyp oqýshysy Dına Janybekova Shyrmaýyq Lıgasy ýnıversıtetinen shaqyrtý aldy. Atap aıtqanda, álemniń úzdik joǵary oqý oryndarynyń biri – AQSh-tyń Pensılvanııa ýnıversıteti Dınanyń oqý shyǵyndaryn tolyǵymen óteıtin bolady.

–  Pensılvanııa ýnıversıteti týraly burynnan bilemin. Men sekildi kıno salasyna qyzyǵatyn jastarǵa ýnıversıtettiń usynatyn múmkindikteri paıdaly kýrstar, stýdentter klýbtary sııaqty qyzyqty taǵylymdamalar óte kóp. Sondaı-aq meni ýnıversıtettiń ornalasqan jeri de qyzyqtyrdy – Pensılvanııa Ýnıversıteti Nıý-Iorkten alys emes, úlken qala Fıladelfııada ornalasqan. Bul óz kezeginde men úshin óte mańyzdy jelilik orta qalyptastyrady, – deıdi Dına.

Keleshekte kıno rejısseri men prodıýseri bolýdy armandaıtyn Dına Janybekova qazirgi tańda matematıka jáne aǵylshyn tili pánderin tereńdetip oqýda. Daryndy túlektiń jetistikteri qatarynda hımııa jáne aǵylshyn tili pánderi boıynsha olımpıadalarǵa, fortepıano baıqaýlaryna jáne debat týrnırlerine qatysyp alǵan marapattary bar. Oǵan qosa, Dına mekteptiń ózin–ózi basqarý uıymynyń múshesi bolyp tabylady. Mektepishilik is-sharalardy uıymdastyrýǵa belsendi atsalysyp júr.

Pensılvanııa ýnıversıteti –  eń kóne joǵary oqý oryndarynyń biri jáne AQSh-taǵy alǵashqy ýnıversıtet. Bilim ordasy elıtalyq Shyrmaýyq Lıgasynyń quramyna kiredi. Pensılvanııa ýnıversıtetimen AQSh-tyń kóptegen tarıhı tulǵalary men saıasatkerleriniń esimderi baılanysty. Solardyń qatarynda, Donald Tramp, Ilon Mask jáne Ýorren Baffet te bar.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar