Aımaqtar • 14 Sáýir, 2021

Túngi tynyshtyqty buzýshylar jaman indet kezinde de tıylmaı otyr

53 ret kórsetildi

Jaman indetke qarsy kúrestiń saqtandyrý sharalaryna qaramaı túngi tynyshtyqty buzýshylar sany azaıar emes. Jyl basynan beri Petropavlda sondaı 829 oqıǵa tirkelgen.

Kúni keshe shamamen tańǵy saǵat 5-te polısııaǵa N. Nazarbaev kóshesindegi úılerdiń birinen kezekti shaqyrtý kelgen. Oblys ortalyǵynyń 62 jastaǵy turǵyny kórshi páterden shyqqan qatty mýzykaǵa jáne shýlaǵan adamdarǵa shaǵymdanǵan. №4 ýchaskelik polısııa pýnktiniń ınspektory,  polısııa maıory Serik Áýbákirov oqıǵa ornyna kelgende jaldamaly páterde 19 jastaǵy jigit saýyq keshin ótkizip jatqan. Ákimshilik quqyq buzýshylyq týraly kodeksiniń «Tynyshtyqty buzý» baby boıynsha oǵan hattama toltyryldy. Keshtiń basqa qatysýshylarymen polıseıler profılaktıkalyq áńgime júrgizip, saǵat 23-ten keıin shýlaýǵa tyıym salynǵany týraly esterine saldy.

«Túnde kóńil kótergen adamdardyń basym bóligi qabyrǵanyń arǵy jaǵynda jumystan sharshaǵan adamdardyń, balalar men zeınetkerlerdiń demalyp jatqanyn oılamaıdy. Jyl basynan Petropavlda osyndaı 829 fakti tirkeldi», deıdi Petropavl qalasy Polısııa basqarmasy bastyǵynyń birinshi orynbasary, polkovnık Álibek Ǵabdýllın.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar