Qoǵam • 15 Sáýir, 2021

Medıatorlar qatary qalyńdaı túsedi

43 ret kórsetildi

Elimiz táýelsizdik alǵan, eski baılanystar úzilip, ekonomıka daǵdarysqa tap bolǵan ótpeli kezeńde jas memlekettiń erteńi úshin qoǵamdaǵy saıası turaqtylyqty saqtaý aýadaı qajet boldy. Osy oraıda, Elbasynyń etnosaralyq kelisim egemendikti nyǵaıtýdyń irgetasy bolatynyn eskerip, ult pen ulystardyń basyn biriktirýge kúsh salǵan saıasaty birden-bir durys baǵyt bolǵanyn ýaqyt kórsetip otyr.

Halyq birligin kúsheıte túsý maqsatynda qurylǵan Qazaqstan halqy Assambleıasy (QHA) elimizdegi etnostardy bir shańyraqtyń astynda toptastyryp, rýhanı birlik ıdeıalaryn qalyptastyryp jáne iske asyryp keledi. Búginde táýelsiz Qazaqstan halyqaralyq qoǵamdastyqtyń to­lyq­qandy múshesi jáne bar álemge etnosaralyq jáne konfessııaaralyq tatý­lyq pen birlikti saqtaýdyń naqty úlgisi bolyp otyr.

QHA qyzmetiniń bir mańyzdy baǵyty – medıasııa ınstıtýtyn damytý. Assambleıanyń XXV sessııasynda Elbasy Nursultan Nazarbaev medıasııanyń mańyzdylyǵy men damýy týraly erekshe atap ótip, QHA-ǵa qoǵamdyq kelisimdi nyǵaıtý, qaıyrymdylyq jáne medıasııa keńesteri jumystaryn kúsheıtýdi tapsyrǵan bolatyn. 2011 jylǵy 28 qańtarda qabyldanǵan «Medıasııa týraly» zań buǵan quqyqtyq negiz bolyp otyr.

Búginde elimizdiń ár óńirinde, ár qalada medıatorlar uıymdary men kásibı medıatorlar jumys isteıdi. Olar sot nemese ózge de quqyq qor­ǵaý organdaryna júginbesten, bel­gili máseleler boıynsha daý-jan­jal­dardy sheshýde tıisti kó­mek kórsete alady. Osy oraıda, Qazaq­stan halqy Qaraǵandy oblystyq assambleıasynyń, onyń ishinde ob­lystyq ishki saıasat basqarmasy ja­nyndaǵy «Qoǵamdyq kelisim» me­ke­mesiniń tarapynan birtalaı ıgi is-sharalar atqarylý ústinde.

«Qoǵamdyq kelisim» MM-niń medıasııa kabıneti jergilikti medıatorlar qaýymdastyǵymen jáne óńir­de­gi 200-den astam qoǵamdyq medıa­tor­men tyǵyz baılanys ornatqan. Elimizde oryn alǵan epıdemııalyq jaǵdaıǵa qaramastan, ótken jyly da turǵyndarǵa medıasııa ınstıtýtyn nasıhattaýǵa, qoǵamdyq medıatorlardy oqytýǵa baılanysty túrli is-sharalar qashyqtyqtan ótkizilip, tıisti nátıjesin berdi. Halyqaralyq, oblystyq deńgeıdegi jattyqtyrýshy-medıatorlardyń qatysýymen Ulytaý aýdanynda, Sátbaev, Jezqazǵan, Temirtaý qalalarynda bolǵan semı­narlar men onlaın formatta tu­raqty túrde ótkiziletin keńes berý otyrystarynyń turǵyndar úshin mańyzy zor.

Memleket basshysy Qasym-Jomart Toqaevtyń 2020 jylǵy Jol­da­ýynda sottarda daýlardy she­shýdiń balama túrlerin, medıasııa ınstıtýtyn damytý máselesine erekshe kóńil bólýi oblys medıatorlary úshin tyń serpilis týdyrdy. Qazirgi ýaqytta oblys medıatorlary oblystyq Qazaqstan halqy Assambleıasymen birge medıasııany damytýǵa baılanysty is-sharalardy júzege asyrýǵa kiristi. Osy oraıda oblystyq assambleıa janyndaǵy Analar keńesi men volonter-medıa­tor­lardyń alatyn orny erekshe. Aımaqtaǵy medıasııa kabınetterinde jumys isteıtin qoǵamdyq medıatorlar, Analar keńesiniń músheleri otbasylyq daý-damaılardy sheshýde nátıjeli jumystar atqarsa, volonter medıatorlar medıasııany nasıhattaý jumystarymen aınalysýda.

Bıyl alǵa qoıǵan maqsatymyzdyń biri – oblystyq Qazaqstan halqy Assam­bleıasy medıatorlarynyń qa­ta­­­ryn kóbeıtý. О́ıtkeni medıasııa – azamattardy ózara syılastyq pen keshirimdilikke tárbıeleýge, turmysta týyndap jatatyn kıkiljińderdi ór­­kenıetti sheshýge yqpal etetin bir­den-bir qural. Ultymyzdyń to­lerant­tylyǵynyń qupııasy – hal­qy­­myzdyń danalyǵyn, tózimdiligi men sabyrlylyǵyn dáripteı otyryp, qazaqstandyqtar sanasynda yntymaqtastyq mentalıtetin qa­lyp­tas­­tyrýǵa atsalysa bermekpiz.

 

Svetlana ShARDARBEKOVA,

Qaraǵandy oblysy kásipodaqtar ortalyǵy janyndaǵy Tatýlasý ortalyǵynyń basshysy,

oblystyq Qazaqstan halqy Assambleıasynyń kásibı medıatory

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar