Qazaqstan • 15 Sáýir, 2021

О́tken jyly 1600 otbasy soltústikke qonys aýdardy

22 ret kórsetildi

Eńbek jáne halyqty áleýmettik qorǵaý mınıstrligi 5 baǵyt boıynsha «Eńbek» baǵdarlamasyn júzege asyrýda. Onyń aıasynda 649 myń adamǵa kómek kórsetildi. Bul týraly Ortalyq kommýnıkasııalar qyzmeti alańynda ótken brıfıngte vıse-mınıstr Erjan Birjanov málim etti, dep habarlaıdy Egemen.kz.

Eńbek daǵdylaryn damytý sheńberinde 18 myńnan astam adam qysqasha kýrstan ótse, taǵy 18 myń adam tehnıkalyq kásiptik bilim aldy.

«Kásipkerlikti qoldaý baǵdarlamasy sheńberinde «Bastaý bıznes» jobasy iske asyryldy. Onyń barasynda kásipkerlik jaıly kóp maǵlumat berilip, menedjment, marketıng sabaqtary ótkizildi, 45 myń adamǵa qaıtarymsyz grant berildi. Mıkronesıeler sany 13 myńdy qurady, qosymsha 14 myń jumys orny quryldy. Sonymen qatar, osal toptaǵy adamdarǵa arnalǵan jumys oryndaryn sýbsıdııalaý baǵyty boıynsha 150 myń adam qoǵamdyq jumysqa tartyldy. Jastar arasynda jumyssyzdyqty azaıtý maqsatynda «Jastar praktıkasy» engizildi. Byltyr 34 myń adam jumyspen qamtyldy. Áleýmettik jumys ornyna 19 myń adam ornalasty», dedi vedomstvo ókili.

«Eńbek» baǵdarlamasynyń 4-baǵyty Eńbek resýrstarynyń utymdylyǵyn arttyrý boıynsha ońtústik óńirlerden soltústik óńirlerge eńbek resýrstaryn tartý qarastyrylǵan. О́tken jyldyń qorytyndysy boıynsha 1600 otbasy nemese 5800 adam soltústikke qonys aýdardy. Onyń ishinde 3 myń adam eńbekke jaramdy.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar