Júıede tólem jasaýdyń reti sýbsıdııalaýǵa berilgen ótinimder negizinde júzege asyrylady. Ecoqolday baǵdarlamasy kádege jaratýǵa jınalǵan jáne tasymaldanǵan makýlatýra, plastık, shyny qaldyqtary úshin ótemaqy tóleminiń mólsherin avtomatty túrde esepteıdi.
Qaıtalama shıkizattyń 1 tonnasy úshin beriletin aqshalaı tólemderdiń mólsheri qosymsha qun salyǵan qosqanda: shyny úshin – 22 344 teńge, plastıkalyq qaptamaǵa – 26 399 teńge, qaǵaz/karton 16 977 teńgeni quraıdy. Sondaı-aq О́KM Operatory qaptama qaldyqtaryn tasymaldaý shyǵyndaryn qashyqtyǵyna baılanysty ishinara sýbsıdııalaýdy júzege asyrady.
Búgingi tańda Ecoqolday júıesinde 222 qatysýshy tirkelgen. Atap aıtqanda, qaıtalama shıkizatty jınaýdy júzege asyratyn 74 kásiporyn, 22 kádege jaratýshy zaýyt jáne 126 kólik kompanııasy qatysýda. Sıfrly modelge kóshý makýlatýranyń, polımer ónimderi men shyny qaldyqtarynyń satyp alý qunyn arttyrýǵa múmkindik berdi. Shıkizat quny qazir bylaısha ózgerip otyr: karton-qaǵaz 40-85 teńge/kg sheginde, shyny 22-28 teńge/kg, plastmassa 80-180 teńge/kg sheginde. Qaptama qaldyqtaryn jınaýshylar shıkizatty kádege jaratýshylarǵa tapsyrǵannan keıin EsoQoldaý júıesinde birden qarjylandyrýǵa ótinim berýge múmkindigi bar.
2021 jyldan bastap О́KM Operatory ótemaqy tólemderin berý rásimin jeńildetti. Jańa model qaptama qaldyqtaryn jınaý, tasymaldaý jáne qaıta óńdeý jónindegi jumys qaǵıdattaryn ózgertýdi kózdeıdi. EsoQoldaý jobasy – qaıta óńdeletin qaptama qaldyqtaryn (makýlatýra, plastık, shyny) jınaý, ony tasymaldaý jəne kədege jaratý baǵytynda jumys istep júrgen kəsipkerler úshin jəne osy salada óz bıznesin bastaǵysy keletinderge arnalǵan platforma.
2021 jyly 230 myń tonna kólemindegi qaıtalama shıkizatty jınaý, qaıta óńdeý, tasymaldaý jáne kádege jaratý jospary tur. О́KM Operatory bıyl osy baǵyttaǵy jumystardy qarjylandyrýǵa shamamen 10 mlrd teńge bólýdi josparlaǵan.
