45 myń bet dárilik nusqaýlyqtar aýdardy

Dárilik zattar men medısınalyq buıymdardy saraptaý ulttyq ortalyǵy – qazaqstandyq naryqqa kelip túsetin dáriler men medısınalyq buıymdardy medı­sınalyq qoldaný jónindegi nusqaýlyqtardy memle­kettik tilge aýdarý jáne zańnamamen reglamenttelgen nusqaýlyqtar, qaptama maketteri, zattańbalar, stıkerler, jarnamalyq materıaldar aýdarmalarynyń sáı­kes­tiligin tekserý qyzmetterin saraptama sheńberinde oryndaıtyn eli­mizdegi birden-bir uıym.

Sonymen byltyr Ulttyq ortalyqta 100 myńnan astam paraq memlekettik tilge aýdarylǵan jáne sáıkes­tik turǵysynan tekserilgen. Bul aldyńǵy jylmen salys­tyrǵanda 23%-ǵa kóp. Onyń 45 myńnan astamy – nusqaýlyqtar aýdarmasy. Qazaqstanda árbir dárilik zattyń qazaq jáne orys tilderinde tolyq sıpattamasy bolýy kerek ekeni belgili. О́ıtkeni bul – pasıentti preparat týraly,  onyń quramy, shyǵarylý túri, qoldanylýy, qarsy kórsetilimderi, dozalaý rejimi, basqa dárilermen ózara árekettesýi jáne t.b. jóninde qajetti aqparatpen tanys­tyratyn mańyzdy qujat.

«Dárilik nusqaýlyq – pasıent úshin durys qabyldanǵan preparattyń emdik ásermen qamtamasyz etýiniń jáne ony densaýlyǵy men ómirine tónetin qolaısyz zardaptardan saqtandyrýynyń kepili. Sondyqtan nusqaýlyq mátini tek medısınalyq qyzmetkerge ǵana emes, sondaı-aq árbir pasıentke túsinikti bolýy úshin onyń aýdarmasy óte sapaly bolýy tıis. О́ıtkeni preparattyń ańdatpa-mazmunynda qatelik oryn alǵan jaǵdaıda óte kóp pasıent zardap shegýi múmkin. О́z kezeginde, bul – ulttyq qaýipsizdik máselesi», dedi Dárilik zattar men medı­sınalyq buıymdardy saraptaý ulttyq ortalyǵy bas dırektorynyń dárilik zattar jónindegi orynbasary Baıan Moldahmetova.

Dárilik preparattar nusqaýlyqtarynyń mazmuny preparattyń ózin medısınalyq qoldaný barysynda óz­gerýi múmkin ekenin eske salamyz. Sonymen elimizde tir­kelgen dárilik zattar búkil tirshilik aınalymy boıyna qaýipsizdik monıtorınginen ótkiziledi. Basqa preparattarmen ózara árekettesýi kezinde buryn nusqaýlyqta kór­setilmegen jaǵymsyz reaksııalar nemese emdik áseri anyq­talǵan jaǵdaıda der mezgilinde ózektilendirý úshin qol­danystaǵy nusqaýlyqtarǵa ózgerister engizilýi tıis.