Ulttyq ekonomıka mınıstri Áset Erǵalıev 2021 jyldyń I toqsanynda negizgi kapıtalǵa salynǵan ınvestısııalar kólemi 9,6%-ǵa qysqarǵanyn aıtty. Taý-ken óndirisi ónerkásibin esepke almaǵanda, negizgi kapıtalǵa salynǵan ınvestısııalar kólemi 34% deńgeıinde ósim kórsetti.
Negizgi kapıtalǵa salynǵan ınvestısııalar boıynsha oń ósim qarqynyna 15 óńirde jáne respýblıkalyq mańyzy bar qalalarda qol jetkizildi. Kósh bastaýshy óńirler – Túrkistan (67,4%), Jambyl (32,9%), Qostanaı (23,3%), Qaraǵandy (22,8%), Soltústik Qazaqstan (20,6%) oblystary, sondaı-aq Shymkent (45,8%) jáne Almaty (34,5%) qalalary boldy. Batys Qazaqstan (-48,7%) jáne Atyraý (-39,8%) oblystarynda artta qalýshylyq baıqalady.
«Kazakh Invest» UK» AQ basqarma tóraǵasy Meıirjan Iýsýpov AО́K, farmasevtıka, hımııa jáne metallýrgııa ónerkásibi sekildi salalarda 4,2 mlrd dollardan astam somaǵa pysyqtaý deńgeıi joǵary 12 jobany daıyndaý barysy týraly baıandady.
2021 jyldan bastap 2025 jylǵa deıingi kezeńde jalpy ınvestısııa somasy 45,5 trln teńge (100 mlrd dollar) bolatyn 2500-den astam jobany iske asyrý kózdelgen. Atalǵan jobalardy iske asyrý 2025 jylǵa qaraı negizgi kapıtalǵa salynatyn ınvestısııalar boıynsha IJО́ 30% deńgeıinde nysanaly ındıkatorǵa qol jetkizýge múmkindik beredi.
Investısııalar tartý jumystary týraly Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın, Túrkistan oblysynyń ákimi О́mirzaq Shókeev jáne Soltústik Qazaqstan oblysynyń ákimi Qumar Aqsaqalov baıandady.
Sıfrly damý, ınnovasııalar jáne aeroǵarysh ónerkásibi mınıstri B.Mýsın 2021-2025 jyldarǵa SDIAО́M baılanys jáne telekommýnıkasııa, sıfrly maınıngti damytý, aeroǵarysh ónerkásibi, IT-salasy, elektrondy ónerkásip salalarynda jalpy somasy 1,5 trln teńge bolatyn 170 jobany iske asyrýdy maqsat etip otyrǵanyn atap ótti. Bıyl 265 mlrd teńge somasyna 64 jobany iske asyrý josparlanyp otyr.
Túrkistan oblysynyń ákimi О́.Shókeev 2021-2025 jyldarǵa ákimdik AО́K, jańartylatyn energetıka, týrızm, hımııa ónerkásibi jáne t.b. salalarda 27 myń jumys ornyn qura otyryp, jalpy somasy 2,6 trln teńge bolatyn 181 ınvestısııalyq jobadan turatyn pýl qurǵanyn baıandady. Bıyl 256 mlrd teńge somasyna 81 jobany iske asyrý kózdelgen.
Soltústik Qazaqstan oblysynyń ákimi Q.Aqsaqalov aldaǵy 5 jylda ákimdik AО́K, mashına jasaý, sıfrlandyrý, farmasevtıka, densaýlyq saqtaý, TMK jáne t.b. salalarda 1,5 trln teńge somasyna 66 jobadan turatyn pýl qurǵanyn atap ótti.
«Ishki jáne syrtqy ınvestısııalardy tartý jumysyn barlyq memlekettik organdar, óńirlerdiń ákimdikteri men kvazımemlekettik sektor sýbektileri júıeli negizde júrgizýi tıis», dedi A.Mamın.
