Qoǵam • 19 Sáýir, 2021

Nur Otan-nyń jumysyn 1738 qoǵamdyq keńes qadaǵalaıdy

Elimiz boıynsha «Nur Otan» fılıaldarynyń basshylary – ákimderdiń qatysýymen partııanyń óńirlik Saıası keńesteri Bıýrosynyń otyrystary ótti. Onda árbir óńirde, qala men aýdanda saılaýaldy ýádelerdiń iske asyrylýyn baqylaý jónindegi jańa qoǵamdyq keńesterdiń basshylary men quramdary bekitildi, dep habarlaıdy Egemen.kz.

Marzhan Tileubekova

Ortalyq apparattyń baspasóz qyzmeti habarlaǵandaı, buǵan deıin Elbasy, Partııa Lıderi Nursultan Nazarbaevtyń tapsyrmasy boıynsha barlyq óńirlerde «Nur Otan» partııasynyń 217 saılaýaldy baǵdarlamasyn iske asyrý boıynsha Jol kartalary qabyldanyp, jaýapty depýtattar men oryndaýshylar bekitilgen. Jyldar men naqty is-sharalardy kórsetilgen 80 myńnan astam ındıkatorǵa qol jetkizý kózdelip otyr.

Partııa Lıderi qoıǵan mindetterdi eskere otyryp, saılaýaldy baǵdarlamalardyń naqty baǵyttaryn júıeli baqylaý úshin óńirlik jáne aýmaqtyq deńgeıde 1 738 qoǵamdyq keńes quryldy.

Keńesterýdiń quramyna 11 388 belsendi, onyń ishinde máslıhat depýtattary, partııalyq kadrlyq rezerv ókilderi, óńirde bedeldi jáne jergilikti jerlerdegi túıindi máselelerdi jaqsy biletin azamattar, sarapshylar jáne t. b. kirdi.

Partııa jańa keńesterdiń jumysy qoǵamdyq pikirdi eskere otyryp, partııanyń elimiz boıynsha barlyq qoǵamdyq qabyldaý bólmelerine azamattardan kelgen ótinishterdi taldaý negizinde jarııa formatta qurylatynyna ýáde beredi.

Eske sala keteıik, buǵan deıin Saıası keńes Bıýrosynyń sheshimimen taratylǵan partııalyq kýratorlar ınstıtýtynyń ornyna «Nur Otan» saılaýaldy baǵdarlamasynyń naqty baǵyttarynyń iske asyrylýyn baqylaý boıynsha 14 respýblıkalyq qoǵamdyq keńes qurylǵan bolatyn.

О́tken aptada Májilistiń jáne barlyq deńgeıdegi máslıhattardyń 600 jas depýtatynan turatyn Korpýstyń qurylǵany týraly aıtylǵan-dy. Nurotandyq jas depýtattar jastardy qoldaýǵa jáne zań shyǵarý prosesinde olardyń múddelerin qorǵaýǵa kúsh-jigerlerin biriktirýge nıetti.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz