Polısııanyń derekterine súıensek, Trıatlon saıabaǵyndaǵy shamdardy eki aı boıy kóshe jáne saıabaq jaryǵyna jaýapty JShS-niń úsh qyzmetkeri urlap kelgen. Olar túngi ýaqytta saıabaq aýmaǵyna kirip, eki metrlik baǵanalarǵa shyǵyp, shamdardy burap alǵan.
Quqyq qorǵaý organdarynyń málimetinshe, keltirilgen shyǵyn sommasy shamamen 8 mıllıon teńge.
«Túngi ýaqytta turaqty túrde saıabaq aýmaǵyna kirgen qyzmettik avtokólik quqyq qorǵaý organdarynyń qyzyǵýshylyǵyn týdyrdy. Urlyq jasady degen kúdikpen polıseıler JShS-niń 32,49 jáne 50 jastaǵy úsh qyzmetkerin ustady. Anyqtalǵan derek boıynsha «Urlyq» babymen is qozǵalady. Qylmystyq is turǵysynda zattaı dáleldemeler satyp alýshydan ishinara alynatyn bolady», delingen habarlamada.
Gaýhar QAPASh
