Osy aptada «Asia Park» saýda jáne oıyn-saýyq ortalyǵynda ornalasqan «Arman» kınoteatry, «Arýjan» saýda jáne oıyn-saýyq ortalyǵyndaǵy «ARU Cinema» kınoteatry, «Saryarqa», «Kerýen» jáne «Keruen City» saýda jáne oıyn-saýyq ortalyqtaryndaǵy «Kinopark» kınotearlar jelisi, «TALAN GALLERY» nysanyndaǵy «KERUEN CINEMA» kınoteatry kórermenge óz esikterin qaıta ashty. Taǵy «Movie Room», Chaplin kınotetarlar jelisi de qosyldy.
«Kınoteatrlar qajetti tirkeý jáne nusqaýlardan ótip, QR-kod aldy. Endi sanıtar dáriger jazǵan qaýipsizdik sharalaryn saqtap, apta boıy jumys isteýge múmkindik aldy. Mindetti talaptar qatarynda – kelýshilerdi ár eki oryndyq saıyn shahmat tártibinde otyrǵyzý bar, jalpy tolymdylyq 30 paıyzdan aspaýy tıis. Sonymen qatar maska kııý – kelýshiler men personalǵa qoıylǵan mindetti talap. Nysandar ishinde sanıtarlyq óńdeý júrgizilip otyrýy kerek», dedi Nur-Sultan qalasy óńirlik kásipkerler palatasy dırektorynyń orynbasary Qýanyshbek Muqash.
Bul oraıda «Arman» kınoteatrynyń ókili Kamıla Bashpanova ár jańashyldyq sekildi jobany qoldanýda biraz suraq baryn aıtty. Degenmen kınoteatr qyzmetkerleri kómegimen kelýshiler qosymsha talaptaryn tez ıgerip jatyr.
«Ákimshilerimiz qonaqtarǵa qosymshany júkteýge kómektesip, qosymshaǵa qalaı tirkelip, qoldaný qajettigin túsindirip jatyr. Kınoteatr ishinde qosymshany qoldanýǵa qatysty nusqaýlyqtar ilingen. Jalpy alǵanda, adamdar jańashyldyqqa tez beıimdelip, saqtyq sharalaryn qoldanýǵa daıyn», deıdi ol.
