Tehnologııa • 21 Sáýir, 2021

Aıaq kıimdi sıfrly tańbalaý engiziledi

22 ret kórsetildi

Bıyl shilde aıynan bas­tap elimizde mindetti aıaq kıim­di sıfr­ly tańbalaý engizý jos­parlanǵan. Bul – barlyq aıaq kıim óndirýshiler men ımporttaýshylar óz taýarlaryn arnaıy eki ólshemdi Data Matrix kodymen tańbalaýy kerek degen sóz. Barlyq normatıvtik-quqyqtyq aktiler bekitilgennen keıin, álemniń basqa elderinen, onyń ishinde EAEO-dan sıfrly tańbalaýsyz taýar Qazaqstan shekarasynan óte almaıdy. Tańbalanbaǵan aıaq kıimniń qaldyqtaryn jyl boıyna satýǵa bolady.

Jańa engizilim Qazaqstan­nyń aıaq kıim naryǵynyń bar­­lyq qatysýshylaryna – óndirý­shilerge, ımport­taý­shylarǵa jáne bólshek saýda dúkenderine qatysty. Atap aıtqanda, aıaq kıim aınalymyna qatysýshylar taýar­lardy tańbalaý men onyń qadaǵalanýynyń aqparattyq júıesinde (TTQAJ) tirkelýge, sondaı-aq óz taýarlaryn Ult­tyq katalogta tirkeýge tıis bolady. Tańbalaý kodtary avtomatty túrde TTQAJ-da jasalady. Sodan keıin olardy Data Matrix-ke túrlendirýge jáne ba­syp shyǵarý úshin júkteýge bolady.

«Qazir Qazaqstanda aıaq kıim­­­di mindetti sıfr­ly tań­ba­laý­dy engizý úshin norma­tıvtik-quqyqtyq bazany daıyndaý prosedýrala­ry júrgizilip ja­­tyr. Biraq biz ımport­taý­­shy­­­larǵa, óndirýshilerge jáne bólshek satýshylarǵa na­ryq­­t­a jumys isteýdiń jańa ere­jelerine qazir daıyndalýǵa ke­ńes beremiz. Bıznes sıfrly tań­balaý prosesin neǵurlym er­terek bastasa, barlyq kezeń­­di zertteýge onyń kóp ýaqy­ty bolady», dedi Sıfr­lyq ekonomıkany damytý orta­ly­ǵynyń bas dırektory Bıkesh Qur­manǵalıeva.  

Importtaýshylar taýarǵa Data Matrix sıfrly tańbalaý kodyn taýar memlekettik keden­dik rásimderden ótkenge deıin tańbalaýy qajet. О́nimdi bas­qa eldegi óndiriste nemese Qazaqstan Respýblıkasynyń aýmaǵyndaǵy keden qoıma­synda tańbalaýǵa bolady. Data Matrix kody tikeleı aıaq kıimge, sondaı-aq taýarlyq jap­syrmaǵa nemese tutynýshy qap­tamasyna engizilýi múmkin.

Sıfrly tańbalaý naryqty sapa­syz jáne Qazaqstan aýma­ǵyna zańsyz ákelingen ónim­derden tazartýǵa kómektesedi, sondaı-aq otandyq óndirýshi­lerdi damytýǵa serpin beredi. Tutynýshy da óz paıdasyn alady. Birinshiden, jańa sıfrly belgi satyp alýshy úshin ónimniń zańdylyǵy týraly belgi bolady. Ekinshiden, tu­ty­nýshy Naqty Onim arnaıy mo­bıl­di qosymshasy arqyly Data Matrix kodyn skanerlep, taýar týraly tolyq aqparat ala alady.

Esterińizge sala keteıik, Qazaqstan Respýblıkasynda temeki ónimderin mindetti sıfr­ly tańbalaý 2020 jylǵy 1 qazannan bastap engizildi. 2022 jyly farmasevtıkalyq preparattardy, alkogol ónim­derin jáne jeńil ónerkásip taýar­laryn mindetti sıfrly tań­balaýdy iske qosý josparlanýda.

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar