Ekonomıka • 21 Sáýir, 2021

Kómir ındýstrııasyndaǵy mańyzdy kelisim

18 ret kórsetildi

Kómir ındýstrııasyndaǵy áleýmettik jáne eńbek qatynastaryn retteý maqsatynda jaýapty memlekettik organ men salalyq ónerkásip jumys berýshileri, sondaı-aq kásipodaqtar arasynda 2021-2023 jyldarǵa arnalǵan kelisimge qol qoıyldy.

Kómir óndirisi úshin mańyzdy qujatqa Indýstrııa jáne ınfraqurylymdyq damý vıse-mınıstri Amanııaz Erjanov, Taý-ken óndirý jáne taý-ken metal­lýrgııa kásiporyndary qaýym­dastyǵynyń atqarýshy dırek­tory Nıkolaı Radostoves, «Boga­tyr Kómir» JShS-niń bas dırektory Nıkolaı Kor­sakov, «Qazkómirtek» kómir óndirý­shilerdiń salalyq odaǵynyń tóraǵasy Marat Mırgaıazov, «Qazprofmetall» taý-ken metallýrgııa salalyq odaǵynyń tór­aǵasy Asylbek Nuralın, sol sekildi Kómir ónerkásibi qyz­met­kerleri kásipodaǵynyń tór­aǵasy Mıhaıl Nıkıforov qol qoıyp, ortaq kelisimge keldi.

Arnaıy jumys toby atalǵan qujatty 9 aı ishinde daıyn­daǵanyn aıta ketken oryndy. Shamamen 35-ke jýyq oty­rysy ótkizilip, kúrdeli kelis­sózder nátıjesinde ortaq keli­simge qol jetkizilip, onyń negizinde kómir óndirýshi kásip­oryndarda ujymdyq sharttar ázirlenip, qabyldanady.

Bul rette tıisti kelisimde kóz­del­gen áleýmettik-ekonomı­kalyq jeńildikter men kepildik­terdi barlyq tarap oryndap, saq­taýǵa mindetti. Olar ujym­dyq sharttarda nemese jumys berý­shiniń aktilerinde burma­lan­baýy tıis. Sonymen qatar ujym­dyq sharttarda qosymsha áleý­met­tik kepildikter qarasty­rylýy múmkin.

«Osy qujattyń áleýmettik árip­testikti damytýda, óńir­ler­degi turaqtylyqty qamta­ma­syz etýde, sondaı-aq bar­lyq tarap arasyndaǵy teń qu­qyq­ty dıalog arqyly saq­taýda mańyzy zor. Atalǵan keli­sim eńbek jaǵdaılaryn jaq­sartýǵa, qaýipsiz jumys jaǵ­daı­laryn jasaýǵa, áleýmettik kepildikterdi qamtamasyz etýge, eńbekaqy tóleý júıesin jetil­dirýge, qyzmetkerlerdiń bilik­tiligin arttyrýǵa jáne jastarmen jumysty uıymdastyrýǵa múmkindik beredi. Bul máseleler ásirese koronavırýs pandemııasy kezeńinde ózekti», dedi N.Radostoves.

Úsh jylǵa arnalǵan qujatqa sáıkes, eńbek ujym­darynda qo­laı­ly áleýmettik-psıho­lo­gııa­lyq klımatty saqtaý, eńbek daýlarynyń aldyn alý jáne eskertý bo­ıynsha birles­ken sh­a­ralar qabyldaý, áleýmet­tik-eń­bek janjaldary men ereýil­derdi boldyrmaýǵa baǵyttal­ǵan is-sha­ralardy ótkizý josparlanýda.

Taraptar óndiristi jańǵyrtý men ósirýdi yntalan­dyrýǵa, kómir salasyna jańa tehnologııa­lardy engizý­ge, qyzmet­ker­ler­diń tabysyn arttyrýǵa baǵyt­talǵan ekonomıkalyq saıasat júrgizýge ýaǵdalasty. Sonymen qosa kómir óndirisiniń damýyna járdemdesýge, kómir tasymaldaý baǵasynyń negizsiz ósýin tejeýge, ınvestısııa­lar tartyp, salalyq standarttardy engizýge jáne taýarlar sertıfıkaty boıynsha jumys júrgizýge ári bilikti kadrlar daıarlaý júıesin jetildirýge ázir ekenderin jetkizdi.

Áleýmettik áriptestik aıasynda kómir kompanııalary­nyń qyz­metkerleri úshin áleý­met­tik kepildikter, atap aıtqan­da ýaqytsha eńbekke jaram­syz­dyqqa baılanysty, bala týǵan jaǵdaıda, zeınet jasyna tolǵanda eńbek sharty buzylǵan kezde birjolǵy járdemaqy jáne taǵy basqa qoldaý tetikterimen qamtý qarastyrylady.

 

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar