Rýhanııat • 21 Sáýir, 2021

Taldynyń mańyn tazartty

14 ret kórsetildi

Shet aýdanynyń aýmaǵynda oryn tepken Taldy tarıhı-arheologııalyq parki – tas, qola dáýir, erte temir ǵasyry, orta ǵasyr jáne zamanaýı etnografııalyq kezeń­derdi qamtıtyn eskertkishterdiń shoǵyrlanǵan jeri.

Taıaýda «Igi ister marafony» jal­py­ulttyq jobasy aıasynda Qaraǵandy oblystyq tarıhı-ólketaný murajaıy osy atalǵan tarıhı mekenge ekotýr uıym­dastyrdy. Bul is-sharaǵa jastar resýrstyq ortalyǵynyń ókilderi, oqytýshylar, oqýshylar jáne mýzeı qyzmetkerleri qatysty. Arheologııalyq parkte olar bire­geı tarıhı eskertkishtermen tanysyp qana qoımaı, sol mańdaǵy aýmaqty qoqystan tazartty.

Qazirgi tańda Taldy tarıhı-arheologııa­lyq parkinde úlken sharýalar qolǵa alyna bastaǵan. Mysaly, oblystyq mádenıet, arhıvter jáne qujattama basqarmasynyń qyzmetkerleri men E.Bóketov atyndaǵy Qaraǵandy ýnıversıtetiniń arheolog-ǵalymdary bul jerde saıabaq qurý jobasyn ázirledi. Joba boıynsha arheo­logııalyq zertteýler, qalpyna keltirý jáne konservasııalaý jumystary jú­rgizildi. Parkte kúzet taqtalary men ny­san­­dardyń ornalasý oryndary kórse­til­gen. Qazirgi ýaqytta týrıster úshin qa­jetti aqparat úsh tilde jazylǵan QR-kody bar bannerlerdi ornatý boıynsha daıyndyq jumystary júrgizilýde. Son­daı-aq aldaǵy ýaqytta Taldy tarı­hı-arheologııalyq parki boıynsha ekskýr­sııalyq týrlar ázirlenip, synaqtan ótki­ziledi jáne týrıstik jolsiltemeler shy­ǵarylady.

Eske salsaq, Taldy tarıhı-arheologııa­lyq parkiniń quramyna enetin Qarajartas qorymyndaǵy eń iri Beǵazy-Dándibaı kesenesiniń tabylýy ǵylym úshin úlken jańalyq boldy. Osydan tórt jyl buryn qaıta qalpyna keltirilgen bul eskertkish pıramıdalyq-satyly qurylym bolyp sanalady jáne syrtqy pishini Mysyr men astek pıramıdalaryn eske túsiredi.

 

Qaraǵandy oblysy,

Shet aýdany

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar