Qoǵam • 21 Sáýir, 2021

Balalar 500 myń teńgeden satylyp jatyr

1009 ret kórsetildi

«Bala-bala baladan, Taýyp alǵan daladan. Dalada bala jata ma, Túsip qapty shanadan» degen sózder qazirgi tańda shyndyqqa aınalǵany ókinishti. Qara naryqta bala satýshylardyń qatary kóbeıgeni qashan? Jańa týǵan sábılerdiń baǵasy 500 myń teńgeden bastalady. Osyndaı ispetti jarnamalardan kóz súrinedi. Qaltańyz kótermese, bólip tóleýge de bolady eken, dep habarlaıdy Egemen.kz

Basyna is túsken álde qara basyn oılaǵan jas analarǵa qamqorshy bolyp júrgen daǵdarys ortalyqtary balasynan bas tartýǵa úgittep, bala saýdasyna deldal da bolyp júr deıdi. Kópti tolǵandyrǵan másele jaıynda Eýrazııa birinshi arnasynyń tilshileri keńinen tarqatyp berdi.

Qyzylordalyq kelinshek bet-júzin kórsetpeýge kelisken soń, bala asyrap alýdyń jaıyn jasyrmaı aıtty.

«Bizde balalar úıinde eshqandaı qundaqtaǵy bala joq. Taba almaısyz eshqashanda. Bala deldaldardyń qoldarynda, ıaǵnı roddomdaǵylardyń qolynda bolady. Bıznes deıdi ǵoı, biz 500 myńǵa óte arzan aldyq», deıdi tapsyrys berýshi.

Bala asyrap alý kánigi kásipke aınalǵanyna kóz jetti.  Dál osylaı ómir men ólimniń ortasynda qalǵan qamkóńil qyzdarǵa qamqor bolyp júrmiz degen jeleýmen, balasynan bas tartqyzatyn ortalyqtar da bar eken. Qazirgi tańda balalar úıinde 4000-nan asa bala tárbıelenip jatyr.

«Kóbine ata-analar kishkentaı balalardy alǵysy keledi, 6-7 ge tolmaǵan nárseteni alǵysy keledi. 3 jastaǵy, 2, 4 jastaǵy. О́kinishke qaraı, 4 254 dedim ǵoı, onyń 87 paıyzy 7 jastan asqan úlken balalar», deıdi QR BǴM Bala quqyǵyn qorǵaý komıteti tóraǵasynyń orynbasary Dýlat Jekebaev.

Taǵy bir sebep, ózge qansha óbektep tursa da ógeı ǵoı, óziniń ata-anasynan meıirim kórmegen soń, kóbiniń damýynda kinárat bar. Asyrap alǵan ata-ana aýrýyn bilip, keıin balany qaıtyp ákep tastaıdy. Orta eseppen jylyna 20 paıyz bala qaıtarylady.

«Dúkennen satyp alǵan kıimińiz unamasa qaıtadan aparyp berýge bolady. Al bala – zat emes, materıal emes, ol adam», deıdi áleýmettik pedagog Altynaı Áýbákirova.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar