Aımaqtar • 21 Sáýir, 2021

Masanshydaǵy dúngen ultynyń ókilderi qazaq tilin úırenýde

43 ret kórsetildi

Byltyr Qordaı aýdanynda bolǵan oqıǵa kezinde Masanshy aýylyndaǵy birqatar úı men kásipkerlik nysan zardap shekken edi, dep habarlaıdy Egemen.kz

Keıinnen memleket tarapynan olarǵa qoldaý kórsetilip, atalǵan nysandar az ýaqyttyń ishinde qaıta qalpyna keltirildi. Máselen sol kezde aýyl turǵyny, dúngen ultynyń ókili Iýsýf Parovtyń da úıi órtengen. Oǵan búlingen baspanasynyń ornyna memleket 7 bólmeli úı salyp beripti.

Bul týraly turǵyn baspasóz týry kezinde baspasóz ókilderine aıtyp berdi atap ótti.

Sol sııaqty, aýyl turǵyny Abdýrashıd Pýtordyń da baspanasy men aýyr júk kóligine órt tıgen eken. Atalǵan turǵynnyń úıi de búginde qalpyna keltirilgen. Aýylda ótken jyly úıi otqa oranyp, memleket qamqorlyǵynyń nátıjesinde qaıta qalpyna keltirilgen birqatar adamdar bar.

Bul rette jergilikti jurtshylyq qıyn-qystaý kezde qolushyn sozǵan memleketke alǵysyn bildirdi. Masanshy aýyldyq okrýgi ardagerler keńesiniń tóraǵasy Dydyr Harsanuly da búginde aýyl turǵyndarynyń beıbit ári tatý-tátti ómir súrip otyrǵanyn jetkizdi. Aýyldaǵy jaımashýaq tirshilik jalǵasýda. О́z sózinde kásipker Rabııa Jınlırova qaqtyǵys kezinde ıeligindegi birqatar nysannyń órtenip ketkenin, saldarynan 20 mıllıon teńgege zalal kelgenin aıtty.

Qazir kásipkerlik nysandar qalpyna keltirilgen. Mundaı qarqyndy jumystar Qarakemer aýylynda da jalǵasýda. Aýyldyq ardagerler keńesiniń tóraǵasy Erǵazy Bozshaevtyń aıtýynsha, aýylda 20 páterli 10 úı salynypty. Atalǵan úıler áleýmettik az qamtylǵan otbasylar men túrli sala mamandaryna berilgen.

Jıyn barysynda Qordaı aýdanynyń ákimi Rústem Dáýlet aýdannyń búgingi ahýaly týraly suhbat berdi. Ákim óz sózinde ótken jyly Qordaıǵa Memleket basshysy Qasym-Jomart Toqaevtyń kelgenin, Prezıdenttiń sol saparynda halyq tarapynan áleýmettik máselelerdiń kóterilgenin aıtty. Nátıjesinde, Prezıdent tapsyrmasyna sáıkes, Qordaı aýdanyna el Úkimetiniń, Jambyl oblysy ákimdiginiń qoldaý kórsetkenin jetkizdi.

Byltyr aýdandaǵy 392 jobaǵa 35 mıllıard teńge bólingen. Onyń ishinde 11 mıllıard teńgege 22 aýyl gazdandyrylyp, aýdan búginde 95 paıyz gazben qamtylǵan. Sol sııaqty, 6,9 mıllıard teńgege kósheler jóndelgen. О́z sózinde aýdan ákimi aýylishilik joldarǵa, aýyldardy abattandyrýǵa jáne jaryqtandyrý jumystaryna da kóp kóńil bólinip otyrǵanyn aıtty.

Sonymen qatar ótken jyly 41 úı men 13 kommersııalyq nysan zardap shekken bolsa, búginde olardyń bári  memleket jáne demeýshiler tarapynan qalpyna keltirilgen. Sondaı-aq, 135 mıllıon teńgege jýyq qarajatqa aýdan turǵyndaryna kómek kórsetilgen.

Jalpy búginde Masanshy aýylyn mekendeıtin dúngen ultynyń ókilderi qazaq tilin úırenýde. Aýyldaǵy №13 orta mekteptiń dırektory Qambar Imanqulovtyń aıtýynsha, atalǵan bilim oshaǵynda 936 bala oqıdy. Bul balalardyń ishinde tek 34 balanyń ǵana ulty qazaq.

Alaıda sabaq barlyq bilim alýshyǵa qazaq tilinde júrgiziledi eken. Bizben kezdesýde atalǵan orta mekteptiń 9-synyp oqýshysy, dúngen ultynyń ókili Zeınep Hıba qazaq tilin jaqsy kóretinin, qurmetteıtinin, sol úshin memlekettik tildi úırengenin aıtyp, aqıyq aqyn Muqaǵalı Maqataevtyń bir óleńin oqyp berdi.

 

Jambyl oblysy,
Qordaı aýdany.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar