Aımaqtar • 21 Sáýir, 2021

ShQO-da zańsyz balyq aýlaýdyń 70-ke jýyq deregi anyqtaldy

13 ret kórsetildi

ShQO-da «Nerest» jedel profılaktıkalyq is-sharasy ótken tórt kúni ishinde 70-ke jýyq zań buzýshylyq anyqtaldy, dep habarlaıdy Egemen.kz Polisia.kz saıtyna silteme jasap.

Shyǵys Qazaqstanda 2021 jylǵy 16 sáýirden 30 mamyr aralyǵynda sý bıoresýrstary men sý obektilerin qorǵaý jáne saqtaýdaǵy zań buzýshylyqtardy anyqtaýǵa, aldyn alýǵa jáne jolyn kesýge sondaı-aq ekologııalyq qylmystardy ashýǵa baǵyttalǵan «Nerest» jedel profılaktıkalyq is-sharasy ótýde.

«Tórt kúni ishinde ShQO-da 70-ke jýyq balyq resýrstaryn zańsyz aýlaǵany anyqtaldy. 64 adamǵa qatysty jalpy sommasy 1 mln teńgeden astam ákimshilik aıyppuldar salyndy», – dedi ShQO PD bastyǵy Saǵat Madıev.

Osy jyldyń 19 sáýirinde ShQO PD JPQB tabıǵatty qorǵaý jáne aýmaqtyq balyq ınspeksııasynyń qyzmetkerleri MI-8 tikushaǵymen О́skemen qalasy Buqtyrma sý qoımasynyń jaǵalaý syzyǵy boıymen – Býkon ózeniniń saǵasy – «Toranga» shyǵanaǵy – Jolnusqaý aýyly – Amanat aýyly – Sheńgeldi aýyly – Qara Ertis ózeniniń saǵasy – Tuǵyl aýyly – «Volchıı mys» – Shorǵa aýyly – Zaısan kóliniń soltústik batystaǵy tyıym salynǵan bóligin áýeden sholý arqyly baqylaý júrgizdi.

Sondaı-aq qyzmetkerler Ulan, Kúrshim, Tarbaǵataı jáne Kókpekti aýdandarynyń ańshylyq alqaptaryn tekserdi. Áýeden sholý arqyly baqylaý barysynda nómiri joq 18 dıýraldy qaıyq tabyldy. «Rahmetolla» ýchaskesinde qyzmetkerler eki rezeńke qaıyq, eskek, qaıyq motory men qapshyqtaǵy aýlardy anyqtady. Barlyq zattaı dáleldemeler balyq ınspeksııasyna joldandy. Barlyq ıesiz qaıyqtar men balyqshylarǵa beınetúsirilim júrgizilip, ornalasý oryndarynyń kartasynda belgi qoıyldy.

Aqparat Kúrshim, Tarbaǵataı, Kókpekti aýdandyq polısııa qyzmetkerlerine joldandy. Balyq aýlaýdyń normalary men qaǵıdalaryn buzǵany úshin ákimshilik jaýapkershilik (QR ÁQBtK-niń 381-baby) qana emes, qylmystyq jaýapkershilik (QR QK-niń 335-baby) qarastyrylǵanyn este ustaǵan jón.

Sońǵy jańalyqtar

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

14 mamyrǵa arnalǵan aýa raıy boljamy

Aýa raıy • Búgin, 09:13

Uqsas jańalyqtar