Qazaqstan • 22 Sáýir, 2021

Jol sapasy ishki týrızmniń damýyn tejep keledi – Senat depýtaty

17 ret kórsetildi

Senator Altynbek Nýhuly qazaq tarıhynyń qalyptasýynda mańyzdy ról atqarǵan tulǵalardyń kesene, mazarlarynyń arasyn biriktirý ishki týrızmniń damýyna jol ashady deıdi.

Dálirek aıtqanda, depýtat Buhar jyraý kesenesi men Máshhúr Júsip kesenesine baratyn 30 shaqyrym joldy jańa týrıstik marshrýt retinde salý týraly usynysyn jetkizdi. Atalǵan eki nysannyń arasynda ózge de tarıhı tulǵalarǵa qatysty kóptegen kóne oryndar bar.

Altynbek Nýhuly pandemııa kezinde ishki týrızmniń burynǵymen salystyrǵanda damyǵanyn, alaıda ishki joldardyń sapasy bul salanyń keń qanat jaıýyna tusaý bolyp otyrǵanyna nazar aýdardy.

«Qazaqstanda jylyna 3 myń shaqyrym jol salynyp jatqanda, 30 shaqyrymdyq joldy qosý qıyndyq týdyra qoımas. Táýelsizdigimizdiń 30 jyldyǵynda kıeli mekenniń qadir-qasıeti men babalar rýhyna taǵzym etip, keleli sheshim qabyldaýymyz kerek», dedi depýtat.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar